تبلیغات
*** ** میانا ادبیاتی *** ** - مطالب فرانک آقایی

99 - هایدی!

نویسنده :امین ناصری
تاریخ:چهارشنبه 8 اردیبهشت 1395-05:31 ب.ظ

هایدی!
 قورودو دیرناقلاریمین لاکی
هاچان قوناق گله جکسن؟
هایدی!
هیتلرین بیغینی وئر چارلی-یه
بیر تپیک وور تئلئویزیونا
سینسین دووار!
سینسین راین-ین بوزلاری
قوی جالانسین گولوشلرین روحوما
آپار منی اوزاقلارا..
زینقیرولارین سسی گلیر اورادان
یاشامگیلین ائویندن!
آنام یئنه داغ باساجاق
-_گیزلین گلدیم ائوینیزه-
 داغ باساجاق آنامی
هایدی!
قورتار منی بورادان...
قورتار منی بورادان.....

"فرانک آقایی"



نوع مطلب : فرانک آقایی 

داغ کن - کلوب دات کام
نظرات() 

71 - بارماق‌لارین من قوخویور

نویسنده :حسین ساعدی
تاریخ:سه شنبه 14 مهر 1394-09:17 ب.ظ

سالدین منی ،اوزرلیک تک
اوووج اوووج ،چیمدیک چیمدیک پاتلادیم سنی ،قیسقاندیم سنی
هله یانماغیمی قوخولاییر گؤزون
بارماق‌لارین من قوخویور!
یابانچی‌لار گؤز وورماسین،
توستوم دولوب یاتاغینا
یاتاغیندا غم قوخویور
من قوخویور...

فرانک آقایی


نوع مطلب : فرانک آقایی 

داغ کن - کلوب دات کام
نظرات() 

20 - دینله - فرانک آقایی‌دن

نویسنده :حسین ساعدی
تاریخ:چهارشنبه 28 مرداد 1394-08:13 ب.ظ


دینله یازدیغین کمدی‌نی
 کؤنلونده‌کی سرگردان ارواحین آغلاشماسین دینله
" بیر آنا اوغلونو اویاتماغا باغیریر! " 
بیر طیاره گولوش اوخویوجونون دوداغیندان اوچور
بیر قلم یازماماغا عیناد ائیله‌ییب های کوی سالیر
کیمسه اوخومور یازدیغین یازینی
کیمسه گولوشمور بسله‌دیگین پاپ موسیقیانی
و سن تاخدیغین ماسکانی چیخارمالیسان
 اوخویوجولار اؤنونده
یئنه ده تراژدیه اوز توتاجاقسان، بیلیرم...

فرانک آقایی

ایلگی‌لی یازی:


نوع مطلب : فرانک آقایی 

داغ کن - کلوب دات کام
باخیش‌لار() 

11 - یاماقلی یومورتا

نویسنده :حسین ساعدی
تاریخ:سه شنبه 27 مرداد 1394-01:57 ب.ظ

چوخ آختاردیم یومورتامین قابیغین
بیر سینماغی یادیم‌دا قالمیشدی 
بیرده قیچیمین قابیغا ایلیشیب چیخماماغی
اوچوش اؤیرنمه‌ین بیر قوش بالاسی‌یدیم
ایلک یووامی آختاراراق
یورقون اوتوردوم سکی قیراغیندا
قایغی‌یا بورونوب آختارماق قصدی‌یله یئنه دوردوم آیاغا
بیر یومورتا دیغیرلاندی آلتیم‌دان...!!! 
یئنه سینماق سسی، یئنه بیر قوش بالانین قابیغا ایلیشمه‌سی
یئنه باجارماماق، یئنه آختارماق
قابیق‌لاری ییغدیم اووجوما
دیمدیگیم‌ده‌کی سامان‌لارلا تیکدیم بیربیرینه
ایندی‌یسه نئچه ایل‌لردیر او یاماقلی یومورتا قابیغین ساخلامیشام
آنجاق آردی‌یجان گلن یوخ! 
بلکه منیم اتجه بالام اوچوش اؤیره‌نیب،نه بیلیم!


فرانک آقایی


نوع مطلب : فرانک آقایی 

داغ کن - کلوب دات کام
باخیش() 




Admin Logo
themebox Logo