تبلیغات
*** ** میانا ادبیاتی *** ** - مطالب عسگر علیایی کلیان(عماد یاشیل)

112 - بیرلیک - عسگر علیائی کلیان (عماد یاشیل)

نویسنده :حسین ساعدی
تاریخ:شنبه 18 اردیبهشت 1395-11:15 ب.ظ

"بیرلیک"

 

 

یولوم چوخ اوزوندور، مسله‌ییم درین

بیر بئله اینام‌لا اولموشام برین

صرافام چکرم سووزون جووهرین

اولارام بیر نسلین دانیشان دیلی

حسرت زمی‌سینده بیتن املی.

***

یاشاییش نغمه سی اوستون مطلبیم

دویقو قانادلاری، خیال مرکبیم

قان ایله بویانمیش آل مورککبیم

باغیررام یاییلا دونیایا سسیم

تونقاللار قایایا، اودلو نفسیم

***

آخار سولار کیمی داغیللام آرخا

تورکه آرخا اوللام، ائل منه آرخا

یوخسا بو بیرلیک‌دن یابانچی قورخا

"قاراباغ" دا نعشین اوزاداق یئره

سیچان دلیگینه هوولوندن گیره

 

شعر:عسگر علیائی کلیان(عماد یاشیل)




داغ کن - کلوب دات کام
نظرات() 

65 - بیر پاییــز گئجـه‌سی ایتیرسـم ائی یـــار!

نویسنده :امین ناصری
تاریخ:یکشنبه 29 شهریور 1394-10:49 ب.ظ

بیر پاییــز گئجـه‌سی ایتیرسـم ائی یـــار!

یوخــومــــا دولانیب،گلــــرســـن اونــــدا 

یوکونو چیینیمــده گؤتورســم ائی یـــار!

دیز چؤکوب اؤنوم‌ده گولـرسـن اونـــدا!

 

اودلــو هیجرانینــدان؛ باغلانســـا دیلیــم

دیـزلریــم قاتلانســا، بوکولســـه بئلیـــم

بولــوت‌لار چکیلســه، یانســا دا چؤلـــوم!

اوستومه یاغیشین چیلرسن اونـــدا!!

 

اوجــادا اوچــارســان، آغ گؤیرچیــن تـک

یول‌لارا یایـارســـان دویغـــو بیــر اتـک!

سئوگیلیم سینه ده بیر یورغون اورک!

گیزلیجه قوناغیـم اولارسـان،اونـــدا! 

 

نئیله‌ییم دا سنسیز دؤزه بیلمه‌ســم

تیکانلی چؤل‌لـــرده گــزه بیلمــه‌ســـم 

ایلگیمی سن ایله اوزه‌بیلمه‌ســم!

سن آللاه! کؤنلومــو آلارســان، اونــدا؟؟

 

 کؤورک اوره‌ییمی، چولقاسـادا غـــم

ایز - توزون یادیمـا دوشسه ده هر دم!

(یاشیل) یارپاغیمی چوروتســه ماتــم!

گؤرسـن احوالیمی، ملـرسن اونــدا!

 عسگر علیایی کلیان(عماد یاشیل)



داغ کن - کلوب دات کام
باخیش‌لار() 




Admin Logo
themebox Logo