تبلیغات
*** ** میانا ادبیاتی *** ** - مطالب بهزاد شیخ الاسلامی

133 - قاراچی‌لار گۆنه‌شین جمده‌ینی آپاردیلار ، بهزاد شیخ الاسلامی

نویسنده :امین ناصری
تاریخ:شنبه 30 دی 1396-05:38 ب.ظ

قاراچی‌لار گۆنه‌شین جمده‌ینی آپاردیلار 
دوغمالاشمیش بیر پنجره ایییمسر آچیسیندا 
باییلدی
شاعیرین دوغمامیش کؤرپه‌سی 
سیقارئتین توستوسونده ترک ائتدی کؤکسونو 
چؤکدو گؤزلم دامجی ـ دامجی 
کؤکله‌دیلر بوتالاری یالان یئره 
کؤک سالمادیق 
                   هئچ بیر دنیزه 
آدلاندیق…  
آدالانمادیق 
آدیمی ایسته‌سه‌نیز 
قارغالاردان سوْرون 
قلبیمین آیدین یئرینی آپاردیلار یووالارینا 

بهزاد شیخ الاسلامی

١٥ دی ١٣٩٦



داغ کن - کلوب دات کام
نظرات() 

90 - اونوتدو گؤزوم کوْر اوْلماغینی...

نویسنده :امین ناصری
تاریخ:سه شنبه 6 بهمن 1394-02:30 ب.ظ

اونوتدو گؤزوم کوْر اوْلماغینی
ایپک یوْلو ایتیرنده اؤزونو
چین‌دن چییینه
اللریم ساچمالادی
دانیشیردی عطیریندن توْخوندوغوم داشلار
گئییک اوْلدوم دردلرینی
صراط‌المستقیم اوْلدو بۆتون یوْللار
چین اوْلدو گئجه
چین اوْلدو گۆندوز

بهزاد شیخ الاسلامی 
۹۴/۱۱/۵




داغ کن - کلوب دات کام
باخیشلار() 

80 - گونه باخان بؤرکومو قویورام...

نویسنده :امین ناصری
تاریخ:سه شنبه 12 آبان 1394-12:56 ب.ظ

گونه باخان بؤرکومو قویورام

ال‌لریمه ال‌لرینی گئییرم

اولدوز جوتو سوروروک آسفالتدا

گئجه باش‌دان چیخیر...

 

بولودلار ال‌لریندیر ویسکی تؤکمه‌یه گلمیش!

اولدوزلاری گئجه سوفراسیندان ایچیریک

سس‌سیزلییی گه‌ییریریک قارانلیغا

 

یانارداغین باشیندان داشیب گلیرسن

سیقارئتیمین کولونده ایتیر ماسامین دونیاسی...

 




داغ کن - کلوب دات کام
نظرات() 

56 - بهزاد شیخ الاسلامی دن بیر شعر

نویسنده :امین ناصری
تاریخ:دوشنبه 23 شهریور 1394-10:15 ب.ظ

اوْ گۆنده مئیدان اوْخور¹ عئشقه
گۆنده یاناقلاریندا چیچک
آغزیندا «بایاتی-شیراز»
تاققاتاق بیر اوزون هاوانین سوْنوندا… 
قلبی‌نین اَلی یالین قوْشونو
روژون سئحریندن یئنیلیر، دۆشور باشماغی‌نین باغینا
****
گؤیرچین‌سیز گؤی اوْلماز
هارایا گئدیرسن گئت
ال‌لرینده ایکی گؤیرچین یئته‌جک گؤیون گؤی اوْلماسینا
****
چیچک‌دن ایجازه‌میزی آلمیشدیق
آچاق یاناق‌لارینین
«مغرب»یندن «مشرق»ینه
بسله‌میشدی بیزی شوْر سولارین وئریمسیز الی
****
اوجوز افسانه‌لر یازماقدیر ایشی - گۆجو
گؤم - گؤی تۆستولرین ایچینده اوْینادیر ساری گلین‌لرینی
و یوْرغون اَل‌لرینی اوزادیب گؤیون پیلته‌سینی چکیر
خیال قوش‌لاری ائنیر چییین‌لرینه

¹ اوْخویور

"بهزاد شیخ الاسلامی"



داغ کن - کلوب دات کام
نظرات() 




Admin Logo
themebox Logo