تبلیغات
*** ** میانا ادبیاتی *** ** - مطالب یازارلار - بولود مرادی

86 - اوشاق کیمی دنیزه ایناندیق...

نویسنده :امین ناصری
تاریخ:شنبه 14 آذر 1394-09:17 ب.ظ

اوشاق کیمی دنیزه ایناندیق

قوجالار کیمی اؤلومونه!

نقطه‌دن باشلانیر دونیا، بیر نقطه‌دن

دونیام!

دووارلاریندان اعلامیّه قوپماز

نقطه‌لردن بیرله‌شن یول بیزیم‌کی دئییل

یولوق بیز

هرکس بیزی کئچیب گئدیر

بیر یوللوق گئدیر

بیر- بیریمیزی گئتدیک …

سس سیزلیک شئعر اولماز

سسیمی قایتار بیرلیکده باخاق دونیانین ایشینه

او گونو قایتار

من سوروشماییم، سن ده هئچ نه دئمه

دوغرو دئمه!

گؤز یاشی یالان اولماز …

تورپاق قوخویورام اتک‌دن باشا تورپاق

آییلیرام باخیرام یئرینده کیمسه اولماسین

یولوندا کیمسه اولماسین

تیکان باتیر یوخولارا تیکان

تئلئویزیون‌لار آچیق قالیر

اورداکی جئیران سو ایچیر صبحه قدر …

 

بولود مرادی




داغ کن - کلوب دات کام
باخیش‌لار() 

81 - بیچیمچیلیک(فورمالیزم)ندیر؟ "بولود مرادی"

نویسنده :امین ناصری
تاریخ:سه شنبه 12 آبان 1394-01:20 ب.ظ

بیچیمچیلیک

(فورمالیزم) ندیر؟

گیریش:

 

گؤزللییک( ائستاتیکا) آنلاییشینی اوچ عمومی دؤنم و چئشیده بؤله بیلریک:۱- گؤزللیک اینسانین عمومی و ایده آل طبیعتینی یانسیتماقدادیر. ( یانسیتما

mimesis; representationاسکی یوناندان باشلاییب اون سککیزینجی عصیره کیمی داوام ائدن کیلاسیزم و نئوکیلاسیزم) ۲- گؤزللیک یازارین ایچیندن جوشان دوم- دورو و بیر فرد کیمی ائتکیلنمه لرینین بدیعی بیچیمده سؤیله ییشیدیر.( سؤیله ییش expressionرومانتیزمدن بویانا ). ۳- گؤزللیک بیچیمده(فورمادا) دیر.( formسیمبولیزمدن بویانا).1*


ادامه مطلب


داغ کن - کلوب دات کام
نظرات() 

51 - دده قورقود بوی‌لارینا باخیش

نویسنده :حسین ساعدی
تاریخ:چهارشنبه 11 شهریور 1394-02:17 ب.ظ

1. دلی دومرول-ه داییر باخیش‌لاریم و سؤال‌لارین

یؤنتم 1: میتولوژیک و ادبی قورولوشچولوق ایله دیسپلین آراسیلیق اولاراق توپلوم بیلیم و چاغداش دونیامیزا گؤره، میللی باخیم‌لار.

2. رَوایتین قورغوسو

 تاریخی باخیم‌دان رئال بیر ائل اولان و باتی تورک‌لرین جدّی اولان اوغوز ائلینده دومرول آدلی بیر کاراکتئر وار. او چوخ گوجلو و جسارتلی‌دیر آنجاق کؤرپو اوستونده دوروب گلیب- گئدن‌دن باج آلماق‌لا حیات سورور؛ اؤزوندن داها گوجلو بیرینی تانیماییر 3. بو غرور و ائتدیکلری ظولوم‌لر اوچون تانری دومرولون جانینی آلماق ایسته‌ییر. اونا، اؤلومون هر کسدن داها گوجلو و قالارغی اولدوغونو بیلدیرمک ایسته‌ییر. عزرائیل دومرولون جانینی آلماغا گلیر آنجاق دومرول اؤلمک ایسته‌میر. بو اوزدن عزرائیل ایله بئله‌جه قرارلاشیر: اؤز یئرینه باشقا بیر آدام تاپسین. عزرائیل اؤلمک اونون یئرینه اؤلمک ایسته‌یه‌نی اؤلدورسون و دومرول‌دان وازکئچسین 4. کیمسه دومرول اوچون جانینی قوربان ائدیب اؤلمک ایسته‌میر. نه آتاسی، نه آناسی، نه... ساده‌جه حیات یولداشی قبول ائدیر دومرولون یئرینه عزرائیله جانینی وئرسین و بو سئوگی سیمگه‌سی نتیجه‌سینده دومرول یئنه ده یاشاسین. بو فداکارلیق قارشیسیندا تانری دومرولو باغیشلاییر


یازی‌نین آردی


داغ کن - کلوب دات کام
باخیش‌لار() 




Admin Logo
themebox Logo