تبلیغات
*** ** میانا ادبیاتی *** ** - مطالب حسن نوری

95 - سن منیم اولماسان ائل‌لر گوناه‌کار - حسن نوری دن

نویسنده :حسین ساعدی
تاریخ:سه شنبه 4 اسفند 1394-02:59 ب.ظ


اؤزگورلوک دئیه‌رک باش قالدیرماییب
قبریمیز باشیندا داش قالدیرماییب
گؤزموز اوزوندن یاش قالدیرماییب
 سن منیم اولماسان ائل‌لر گوناه‌کار

سنی کیم تامسینیب، سنی کیم دادیب
سنی کیم اودلاییب، بئله فیرلادیب
یالانچی دویغولار، دیل‌لر آلدادیب
 سن منیم اولماسان دیل‌لر گوناه‌کار

سن اؤزون ناز گلیب، نازدا گئدیرسن
شئعیرده گلیرسن، سازدا گئدیرسن
قیش‌دا خوش گلیب‌سن، یازدا گئدیرسن
 سن منیم اولماسان ایل‌لر گوناه‌کار

داغ‌لاردان تؤکولدوم، لئهیم چیخمادی
آیریلیق ائوینی سئلیم ییخمادی
سئل‌لر خان چوبانا دوغرو آخمادی
 سن منیم اولماسان سئل‌لر گوناه‌کار

تئلینی اوزونده خوش آیرییب‌سان
تئلیندن بیر تله یئر قاییریب‌سان
تئلینده اؤزگه‌نی تورا سالیب‌سان 
 سن منیم اولماسان تئل‌لر گوناه‌کار

سنی بیر گول ایله آداخلایارلار
سونوندا او گولو آیاخلایارلار
گول‌لرکی آدامی ساغ ساخلایارلار
 سن منیم اولماسان گول‌لر گوناه‌کار

اگر اوره‌یینین ویجدانی اولسا
منه بیر یول دئنن ایمکانی اولسا
ائل‌لری آتارام هریانی اولسا
 سن منیم اولماسان ائل‌لر گوناه‌کار

 سؤز: ح.نوری


نوع مطلب : حسن نوری 

داغ کن - کلوب دات کام
نظرات() 

46 - گلمیشم!

نویسنده :امین ناصری
تاریخ:شنبه 7 شهریور 1394-12:58 ب.ظ

سئوگی روخصت وئرسه سن‌دن گلمیشم     یولموشام یول‌لاری سن‌جن گلمیشم 

سن دئدین: " سئوسن منی بیردن بیره گلگیلن گل "  منده بیردن گلمیشم

 سو کیمی سوزمه‌میشم، سیزمامیشام قیرمیشام آت کیمی تؤوسن گلمیشم 

تئز تئز آتدیم آددیمی یوز یوزله‌دیم دورماییب یول‌دا گلرکن گلمیشم

 گونشین کؤلگه‌سینه سیغما منی گون‌دن اؤنجه، دان‌دان ائرکن گلمیشم

 سئومه‌ییرسن؟! رحم ائدیب سئومه منی سن بیلیرسن یاخشی سئوسن گلمیشم  

گلمزایدیم اولماسایدین سئوگیلیم دئدیلر:" بورداکی سن‌سن " گلمیشم

"حسن نوری"



نوع مطلب : حسن نوری 

داغ کن - کلوب دات کام
نظرات() 




Admin Logo
themebox Logo