تبلیغات
*** ** میانا ادبیاتی *** ** - مطالب ارشد نظری

132 - دؤرد ایل‌دن بیر بئش ایل‌دن بیر، ارشد نظری

نویسنده :حسین ساعدی
تاریخ:یکشنبه 3 دی 1396-01:14 ب.ظ


دیل دانیشیر، گؤز دانیشیر 
قاراداش‌ دا سؤز دانیشیر
یالانچی‌ دا دوز دانیشیر
دؤرد ایل‌دن بیر بئش ایل‌دن بیر
یوْل‌لار آیاغا ایلیشیر
آدام‌لار کال کال یئتیشیر
ایلان‌لار قابیق ده‌ییشیر
دؤرد ایل‌دن بیر بئش ایل‌دن بیر
باشماغی باشا گئییرلر
بولبوله سئرچه دئییرلر
ناهارا قانون یئییرلر
دؤرد ایل‌دن بیر بئش ایل‌دن بیر
یای ایچینده قیش اولارمیش
قانادسیز دا قوش اولارمیش
قیزیل‌ دا گوموش اولارمیش
دؤرد ایلدن بیر بئش ایلدن بیر
دره‌لر داغدان باج آلیر
آلچاق‌لار بیردن اوجالیر
اوشاق به‌لک‌ده قوجالیر 
دؤرد ایل‌دن بیر بئش ایل‌دن بیر

ارشد نظری


نوع مطلب : ارشد نظری 

داغ کن - کلوب دات کام
نظرات() 

125 - یوک، بیر اؤیکوجوک، ارشد نظری دن

نویسنده :حسین ساعدی
تاریخ:سه شنبه 2 خرداد 1396-05:10 ب.ظ

ایکیسی یول گئده - گئده سؤزلری چیخدی . یئتیشدیلر  بیر چایین قیراغینا .
بیری چیرمانیب چایدان راحاتجاسینا  کئچدی . او بیری کئچه بیلمه‌دی . چایی کئچن اونون یانینا قاییدیب دئدی ؛ هله مین کوره‌ییمه چایی کئچک ....
آیاغی گلر گلمز شوبهه‌لی حالدا قبول ائتدی . چایین او تایین‌دا یول‌لاری آیریلمالییدی ، ساغ اوللاشیب آیریلدیلار.
ایل‌لر کئچدی یئنه بیر یئرده بیر بیرینه راس گلدیلر . اونون چوخ مهربان داورانماسینا شوبهه‌له‌نیب دئدی:
به بیز کوسولو دئییلیک ؟ 
 گوله-گوله؛ هله ده او آغیر یوکو اؤزون‌له داشییرسان !؟ 
من سنی دالیما آلاندا، او یوکو چایا بوراخدیم یوخسا سنی چای‌دان کئچیره بیلمزدیم . 

ارشد نظری




داغ کن - کلوب دات کام
نظرات() 

114 - ارشد نظری دن

نویسنده :حسین ساعدی
تاریخ:شنبه 12 تیر 1395-08:16 ب.ظ

یامان غریبسه‌یه‌جک 
سؤیود آغاجی‌نین کؤلگه‌سینده زینه
اوت باساجاق اوستونو
چیخاجاق سؤیودون دیزینه
ایته‌جک قیزلارین
زینه‌ده دوداق ایزلری
سس‌سیز اؤله‌جک مهربان اوجاق
اوستونده ات شورباسی
دوغروسو،
داراشلیق بیر گؤی دلنده
گؤرن نئجه کؤلگه‌سی‌یله
لزگی اوینایاجاق
گولوستانین اوزون هؤروک‌لری؟
جئیران نئجه یاشایاجاق
اورکک خیالیلان**
یافت آبادین لوله لوله تنگه‌سینده؟! 
ارشد نظری(توغای)


------
** شعر الیمیزه بئله یئتیشیپ، شاعیرین دئمک ایسته‌دیگی «خیالی‌یلا / خیالی‌ینان / خیالی‌یلان» اولابیلمه‌لی.



نوع مطلب : ارشد نظری 

داغ کن - کلوب دات کام
نظرات() 

91 - ائوین یوخ مو؟

نویسنده :امین ناصری
تاریخ:سه شنبه 6 بهمن 1394-02:43 ب.ظ

ساقا‌دان سوردو بیر آغاج دلن
ائوین یوخ   مو؟
دئدی:نییه،
سن دؤیه‌نده ییخیلدی قونشو
(ارشد نظری)



وئبلاگچی لارین آچیقلاماسی:
سورماق= سوروشماق
آذربایجان تورکجه سینده "سوروشماق" داها چوخ یایقین دیر.


نوع مطلب : ارشد نظری 

داغ کن - کلوب دات کام
باخیشلار() 

75 - گؤره‌سن واریمیش یا هئچ یوخوموش؟

نویسنده :امین ناصری
تاریخ:سه شنبه 28 مهر 1394-02:19 ب.ظ

یام یاشیل مئشه‌لر، آلمالی باغ‌لار
دورنا گؤز بولاق‌لار، چیچکلی داغ‌لار
سه‌ییرَن کهلیکلر، گؤزل سونالار
گؤره‌سن واریمیش یا هئچ یوخوموش؟
سس‌سیز دره‌لرده بیتن بنووشه
قونچه‌لر آچیلا اوزلر گولوشه
اوشاق‌لار اوینایان دووارسیز مئشه
گؤره‌سن واریمیش یا هئچ یوخوموش؟
بیری بیرین سئومک پولسوز- پاراسیز
شاققا چالیب گولمک دردسیز، یاراسیز
آرخایین یاشاماق سؤزسوز قاراسیز
گؤره‌سن واریمیش یا هئچ یوخوموش؟
داغین زیروه‌سینده آغلایا گؤزه
قایادان گؤموشو شلاله سوزه
قارانلیق گئجه‌لر چاتا گوندوزه
گؤره‌سن واریمیش یا هئچ یوخوموش؟
گئجه‌لر یوخودا آغ آتا مینمک
قاپی دؤیولنده اورک سئوینمک
سازیلان سؤزولن ائلی دیندیرمک
گؤره‌سن واریمیش یا هئچ یوخوموش؟


گولردی قیز- اوغلان بو گئجه توی وار
اوره‌ک‌دن سیلینیب گئدردی قوبار
بیرده او مهربان ال‌لر، خینالار
گؤره‌سن واریمیش یا هئچ یوخوموش؟
دویون‌لر آچیلا دوس‌لار الیله
قونشو قونشوسونون دیلیله گوله
باجینی گؤرمه‌یه قارداش‌لار گله
گؤره‌سن واریمیش یا هئچ یوخوموش؟
تارلالاردا سوزه‌ن تئللی توراغای
هریانا باخسایدین بولاغیدی، چای
کندین آخشام چاغی قیز- اوغلان های- های
گؤره‌سن واریمیش یا هئچ یوخوموش؟
به‌ی اؤز قورشاغینا سؤزون باغلایا
قاینانا جاوابین دوزون باغلایا
گلین او قورشاغا اؤزون باغلایا
گؤره‌سن واریمیش یا هئچ یوخوموش؟
ارشد نظری


نوع مطلب : ارشد نظری 

داغ کن - کلوب دات کام
باخیش‌لار() 

62 - ارشد نظری دن بیر شعر

نویسنده :حسین ساعدی
تاریخ:جمعه 27 شهریور 1394-10:03 ب.ظ




داغ کن - کلوب دات کام
نظرات() 

30 - باهار!

نویسنده :امین ناصری
تاریخ:شنبه 31 مرداد 1394-12:06 ب.ظ

چوخدان‌دیر یولونو گؤزلورم* باهار

گلنده بئله گل قیشا اوخشاما.


گلیرسن یاشیللی محبتلی گل

ظالیما اه‌ییلمیش باشا اوخشاما.


من سنین آدیندان سئودا اومورام،

دویغوسوز ، دیل‌بیلمز داشا اوخشاما.


اوره‌یین گؤزویله باخیرام سنه،

اومودسوز گؤزلرده یاشا اوخشاما.


چیچک‌لر گؤزللیک خبرین وئریب،

کور گؤزون اوستونده قاشا اوخشاما.


سنی آند وئریرم گؤی قورشاغینا

قانادی قیریلمیش قوشا اوخشاما.


چوخدان‌دیر یولونو گؤزلورم باهار،

گلنده بئله قیشا اوخشاما.


"ارشد نظری"


----

* "گؤزلورم" معیار دیل‌ده "گؤزله‌ییرم" اولار.



نوع مطلب : ارشد نظری 

داغ کن - کلوب دات کام
باخیش‌لار() 




Admin Logo
themebox Logo