تبلیغات
*** ** میانا ادبیاتی *** ** - مطالب سولان

40 - فامیل!

نویسنده :امین ناصری
تاریخ:سه شنبه 3 شهریور 1394-06:10 ب.ظ

«فامیل»

ائله  شاققیللادیم آز قالدی بولوت نیل قوسسون !‌ 
 قورخودان قالمادی بیر یئركی قرنفیل قوسسون 
 بو اوزون دیل داشیمیر منده شیشه ن  كلمه لری 
باشقا بیر شئعر یاغیم بلكه بو دیل ، دیل قوسسون ! 
 نه اولور گل قاپی‌یا تورباما بیر پای گؤز سال ! 
 قویما بو شیل كوچه ‌سئل سئل یئره ‌سائیل قوسسون ! 
یئددی دونیادا بیر اولدوز اودا دون شاخدی یازیق 
 آز قالیب‌دیر بو پاخیل گؤی یئره قابیل قوسسون ! 
 بیر فیریشته دوداغین دون ائله تامسیندیم كی ! 
دئدیم آز قالدی بو آج آغزیما انجیل قوسسون ! 
نه گلیم !‌ توشدوم آیاقدان جانیمی دالغا یاریر 
دئ دنیز  قورخو بوغان قاییقه ساحیل قوسسون ! 
یئنه بیر كؤهنه چادیردا آسیلیر یاسلی گؤزوم ! 
بوآغیر شئعریمه خط خط دلی نیسگیل قوسسون !‌ 
 بو اوزون قورد یووادان باشقا یئریم یوخ گیرسن 
دئیه‌رم بوش كاها طاقدان طاغا قندیل قوسسون ! 
 یئریمی یئرده اوتوزدوم گؤیومو گؤیده «سولان » 
 دئ او قیز اولسا بو یالقیز منه فامیل قوسسون !‌

"سولان"


نوع مطلب : سولان 

داغ کن - کلوب دات کام
نظرات() 

28 - غزل!

نویسنده :امین ناصری
تاریخ:جمعه 30 مرداد 1394-04:48 ب.ظ

یئنه گل من‌له جالان شئعره اینام یاش سوزسون !              
 قوی او تومموش غزلین گؤزلرینه قاش سوزسون !
              
آل الیم‌دن بو منیم  آل باشی دا آت اته‌گه                
 بلكه بو توی لیباسیندان بوگئجه باش سوزسون    
         
گؤزوم الده گئدیرم قورخو اوتوب چؤلده منی !                
كاش فانیس‌دان الیمی توتماغا یولداش سوزسون ! 
  
 نه‌دیرایوب؟‌ دئ سن‌دن منه سمبل چیخماز                 
 دلی بو صبریمه گون قالمادی كی داش سوزسون !       
      
بوردا بیر شیل جؤیــورون دؤش‌لری ائیمز دوغوبان             
 بئله قان یاس‌دا دؤشو شیشدی «قیزل باش» سوزسون !     
           
دایاق اولماز باجی‌لاردان منه سن‌دن سورا ، دور               
گول آنا ! قوی دوداغیندان یئره قارداش سوزسون !      
       
 قیسسا  عؤمروم آهیلا ، كاش‌لارا كئچدی بیلیرم                
قبره یاتسام دا كفن‌دن لحده «كاش» سوزسون         
     
آغلا قوی بوردا بوتون گول‌لر اؤزون چیرتلاتسین                 
 بلكه بو دردیمی گیزلتمه‌یه خشخاش سوزسون        
    
دئدیلر ساچ بورومز اوز آشیق اولماز هئچ واخت                
 گئجه‌نین توت هؤرویون  ساغ اوزومه ساش سوزسون !  
     
بو سحر غم چكه‌جک گـؤزلرینی بوم دا «سولان»                
 ائله آغلار كی دنیزجه ناشی نقاش سوزسون !

"سولان"


نوع مطلب : سولان 

داغ کن - کلوب دات کام
نظرات() 




Admin Logo
themebox Logo