تبلیغات
*** ** میانا ادبیاتی *** ** - مطالب یوسف جوادی

118 - لاله‌لر یوسف جوادی‌دن

نویسنده :امین ناصری
تاریخ:چهارشنبه 4 اسفند 1395-12:01 ق.ظ

لاله لر
یایلیغی چیینینده اسن لاله‌لر
کدر کؤلگه‌سیندن کوسن لاله‌لر
گونشی باغرینا باسان لاله‌لر
ایسته‌ییر قیزارا ده‌یمه‌ سن آللاه
گوناهسیز گول‌لرین ساراسی لاله
اوزونه یاخیلیب قاراسی لاله
لاپ او اوره‌گینین آراسی لاله
قوی‌گینان کؤزه‌ره ده‌یمه سن آللاه
وطن تورپاغیندا بیتن لاله‌لر
یئرین قوجاغیندا یاتان لاله‌لر
هره‌سی بیر قاندی باتان لاله‌لر
نیشان‌سیز مزارا ده‌یمه سن آللاه

یوسف جوادی


نوع مطلب : یوسف جوادی 

داغ کن - کلوب دات کام
نظرات() 

116 - خزللندی منده باهار - یوسف جوادی

نویسنده :حسین ساعدی
تاریخ:شنبه 2 مرداد 1395-11:30 ب.ظ

خزل‌له نیر یاشیللیغیم یازیم باشلانا باشلانا

گرایلیم‌دان دومان کئچیر گؤزوم یاشلانا یاشلانا

هؤرومجه‌یین آغری‌لاری داها منه توخونماسین

اوره‌ییمده بیر کپنک اوچور قوشلانا قوشلانا

کؤرپه‌لیگین اویونجاغی هلم‌ ده اوینادیر منی

همه‌شه منده بیر دلی قاچیر داشلانا داشلانا

یاستیغیمدا قانلی للک سوورولورام کولک کولک

آغری‌لاری گؤزلریمی آچیر هوشلانا هوشلانا

بنؤوشه‌نین دردی مئشه ساچینا دن دوشه دوشه

دوداغیندا موشدولوغو دونور قیشلانا قیشلانا

یوسف جوادی


نوع مطلب : یوسف جوادی 

داغ کن - کلوب دات کام
نظرات() 

107 - باخدیم / یوسف جوادی

نویسنده :حسین ساعدی
تاریخ:شنبه 11 اردیبهشت 1395-10:22 ب.ظ

سنسیز گئجه لر، آی یوخ اولاندان، یولا باخدیم

آختاردی گؤزوم، تاپمادی ساغ‌دان، سولا باخدیم

اسمه سحرین، دان یئلی آی‌دا، گؤزو یول‌دا

داشلاندی گؤلون، گؤزلری یاش‌دان، دولا باخدیم

باخدیم گؤیه اولدوزلار ایچینده او یوخویدو

آز قالدی گؤیون رنگی شاپاق‌دان سولا باخدیم

یاشماق‌دا بورونموشدو گئجه آی بولود آلت‌دا

غم باسدی ساچین آز قالا باش‌دان یولا باخدیم

آیسیز بو قارانلیق گئجه‌لر سن ده یئرین بوش

پارلاندیراسان آی ایشیغیندان اولا باخدیم

باش یاسدیغا قویدوم هوش آپاردی او یوخومدا

تؤکموشدو بویانمیش ساری ساچ‌دان قولا باخدیم

 

یوسف جوادی

*****

شعرلری بوردا یازماقدان آماجیمیز، اوخویوب نظر وئرمه ییزدیر، لوتفن تورک ادبیاتینین گلیشمه سینه کؤمک ائله یین.



نوع مطلب : یوسف جوادی 

داغ کن - کلوب دات کام
نظرات() 

47 - گوله گوله

نویسنده :حسین ساعدی
تاریخ:شنبه 7 شهریور 1394-02:18 ب.ظ

دوداغیندان دردیم سنی

گوله گوله

به‌به‌ییم‌ده فوتوگرافین

گیله گیله

ازیلمه گؤز یاشیم سوزر

اوره‌ییمی سن‌دن اوزر

اوزولر سن سوزه سوزه

یئر اوزونده تورپاق یانیر

ایچر سنی

ماوی گؤزلوم

یاغیشی‌نین قوخوسوندان

 سئچر سنی

سوزمه هله

اؤزونو گل اوزمه هله

ایندی کی سئوگی‌لر توتوق

آچیلماییر ایچری‌ده

آتاندا دا اوتاندا دا

کیتاب کیمی یاتاندا دا

ال‌دن اله اوخونمادان

قورخوسوندان کیمسه‌لره

 توخونمادان

توتوق توتوق

ایچیلمه‌ییر آچیلماییر

سوزمه هله

یوبانگینان گؤزلریم‌ده

گیله گیله

یاناغیم‌دا اوچوقلامیش سؤزون قالسین

پوفله‌مه قوی کولوم آلت‌دا

کؤزون قالسین

گوله گوله...


"یوسف جوادی"



نوع مطلب : یوسف جوادی 

داغ کن - کلوب دات کام
نظرات() 

3 - گولمه‌ییر باهار

نویسنده :حسین ساعدی
تاریخ:یکشنبه 25 مرداد 1394-01:34 ب.ظ

ایکینجی شعریمیز عزیز یوسف جوادی‌دن سئچیلیب‌دیر


بیلمه‌ییرم نه‌دن گولمه‌ییر باهار

شاختانین قورخوسو جانیندا هله

نه قدر قونچالار آچمایاجاقدیر

بو یاندان سون باهار ایسته‌ییر گله


یازی‌نین آردی

نوع مطلب : یوسف جوادی 

داغ کن - کلوب دات کام
باخیش‌لار() 




Admin Logo
themebox Logo