تبلیغات
*** ** میانا ادبیاتی *** ** - مطالب مصظفی شیخ‌پور

98 - مملکتیمی اعتیراف ائدیرم!

نویسنده :امین ناصری
تاریخ:چهارشنبه 8 اردیبهشت 1395-05:24 ب.ظ

پاسپورتوما باخیرلار هرگون
مملکتیمی اعتیراف ائدیرم
نه آدیمی سوروشورلار
نه سنی

یالانلارا اینانان پلیسلری سئویرم
اللرینده توفنگ
گوزلرینده قورخو
رویالاریندا امنیت

پاسپورتوما باخیرلار
مملکتیمی اعتیراف ائدیرم...

جمعه 3 اردیبهشت 1395
حلله-عراق

" مصطفی_شیخ_پور "



نوع مطلب : مصظفی شیخ‌پور 

داغ کن - کلوب دات کام
نظرات() 

48 - سنسیزلییی چؤرک آراسینا بوکورم!

نویسنده :امین ناصری
تاریخ:شنبه 7 شهریور 1394-02:55 ب.ظ


سنسیزلییی چؤرک آراسینا بوکورم


قوربت آخشام‌لاری

دنیز قیراغی

گمی‌لری ایزله‌مک…

بو شهر هئچ تورلو سنه بنزه‌میر

نه داغ‌لاری قافلانتی

نه دنیزی خزر

نه آی‌لاری آی

نه گونشی، بیر گؤزلین گؤزلرینه بنزر...


یازی‌نین آردی

نوع مطلب : مصظفی شیخ‌پور 

داغ کن - کلوب دات کام
باخیش‌لار() 

17 - مصطفی شیخ‌پوردان بیر شعر

نویسنده :حسین ساعدی
تاریخ:چهارشنبه 28 مرداد 1394-07:38 ب.ظ

بیرآز اؤنجه ، 
بولوت‌لاری تزه چکمیشدیم 
اولدوزلارین اوستونه 
هله یاتمامیشدی پنجره، هله اویانمامیشدی دونیا 
گئجه‌یدی ، گئجه 
سنین گؤزلریندن بیرآز اؤنجه

هله بولوت‌لاری یاغمامیشدیم 
هله تانری‌لاری آغلامامیشدیم اوستونه 
هله شعرلری یازمامیشدیم 
اوخشامامیشدیم گؤزلرینه

سونرا یاغیش باشلادی 
آلله‌ین کؤلگه‌سی‌یدی سانکی 
گؤزلرینده بولوت‌لار

سونرا قار سونرا بوران 
سونرا هر شئی باشلادی 
گؤزلرینین آردیندان 
گؤزلرین ، آه گؤزلرین 
اونلار باشلامیشدی چوخدان


مصطفی شیخ‌پور



نوع مطلب : مصظفی شیخ‌پور 

داغ کن - کلوب دات کام
نظرات() 




Admin Logo
themebox Logo