تبلیغات
*** ** میانا ادبیاتی *** ** - مطالب اؤیکو (داستان)

131 - نه قدر کئفی واریمیش جریمه تؤکمه‌یین!! - بهزاد زالی

نویسنده :حسین ساعدی
تاریخ:شنبه 2 دی 1396-06:17 ب.ظ

نه قدر کئفی واریمیش جریمه تؤکمه‌یین!!

دونن گئجه آذرین 30-و (چیلله گئجه‌سی ایله موصادیف) گئری قالمیش ماشین جریمه‌لرینین ایکی‌قات اولماسینین باغیشلانماسینا سون فورصت ایدی.
من ده بیر چوخ وطنداش‌لاریمیز کیمی هر ایشی 90-جی دیقه‌یه ساخلاماقدا کم گتیرمه‌رم! اونا گؤره ده 5شنبه صبح یوخودان قالخیب گئدیب ماشینین خلافیسینی آلیب تؤکه‌رم دئیه دوشونوردوم. سحرچاغی پولیس +10-ا گئتدیییمده «هله‌لیک خط‌لر کسیلیب گئدین ساهات 12ده گلین» دئدی‌لر.
نه‌ایسه ساهات 12ده ده خلافی آلماق امکانی اولمادی. ماشین کارتینین شوماره‌سینی آلیب بیر کاغاذدا یازاراق دئدی‌لر گئدین ساهات 4-ه دک حل اولار خلافی‌نیزی چیخاراریق ان‌شاءالله. 
خبرلرده پولیس رئیسی‌نین پولیس+10 دفترلری گئجه ساهات 10-ا دک ایشله‌یه‌جک‌ دئدییینی گؤردوم. (آنجاق مییانادا کی 4دن اویانا قالمامیشدی‌لار)
آغا! نه باشینیزی آغریدیم؛ خلافی آلابیلمه‌دیک کی آلابیلمه‌دیک!
گلدیم دوشدوم تئلئگرام‌دا بیر روباتین جانینا، روبات دا دئدی قارداش خط‌لر شولوخدور سامانه‌یه وصل اولابیلمیریک! حتی سونوندا «جریمه‌لرین ائندیریمی اوچون خلافی آلماق ایسته‌ییردینیزسه تئز اقدام ائتمه‌لی‌ایدینیز» دئدی. (احتمالا منظورو گئج آییخمیشسان ایدی!!)
ائس‌ائم‌ائس سامانه‌سی ده جاواب وئرمه‌دی!
موبایلیمداکی بیر أپلیکئیشئنله ده اوغراشیردیم... ساهات 10-ا بیر شئی قالمیردی. آخیر خلافی‌لریمی آلابیلدیم! ائله همن آن اصیل جریمه‌لریمی (یانی ایکی قات اولمامیشینی) همن أپلیکئیشین ایله تؤکدوم.
ائله کئف ائله‌ییردیم کی، جریمه تؤکدویومه...!!
__________
بهزاد زالی




داغ کن - کلوب دات کام
نظرات() 

125 - یوک، بیر اؤیکوجوک، ارشد نظری دن

نویسنده :حسین ساعدی
تاریخ:سه شنبه 2 خرداد 1396-05:10 ب.ظ

ایکیسی یول گئده - گئده سؤزلری چیخدی . یئتیشدیلر  بیر چایین قیراغینا .
بیری چیرمانیب چایدان راحاتجاسینا  کئچدی . او بیری کئچه بیلمه‌دی . چایی کئچن اونون یانینا قاییدیب دئدی ؛ هله مین کوره‌ییمه چایی کئچک ....
آیاغی گلر گلمز شوبهه‌لی حالدا قبول ائتدی . چایین او تایین‌دا یول‌لاری آیریلمالییدی ، ساغ اوللاشیب آیریلدیلار.
ایل‌لر کئچدی یئنه بیر یئرده بیر بیرینه راس گلدیلر . اونون چوخ مهربان داورانماسینا شوبهه‌له‌نیب دئدی:
به بیز کوسولو دئییلیک ؟ 
 گوله-گوله؛ هله ده او آغیر یوکو اؤزون‌له داشییرسان !؟ 
من سنی دالیما آلاندا، او یوکو چایا بوراخدیم یوخسا سنی چای‌دان کئچیره بیلمزدیم . 

ارشد نظری




داغ کن - کلوب دات کام
نظرات() 

89 - قورخو!

نویسنده :حسین ساعدی
تاریخ:شنبه 26 دی 1394-03:56 ب.ظ

سویوغون قاباغین آلسین دئیه پنجره‌یه توتولان نایلون شاققیلداییردی!
بالکون‌دان آسلانان لامپین یئل‌ده ترپنمه سیندن اوتاغی هردن بوغوناق قارانلیق و هردنسه گوجسوز ایشیق بورویوردو!
پونج (سوبا) بوروسونا گوج‌له تپیلن یئل کولک قورخونج کوشولتویله بورودا فیرلانیردی و قاز گوجویله یانان پونجون اودو تیتره‌ییردی!
اؤلو کیمی باشینی دووارا سؤیکه‌ییب یاریمچیلیق اوزانان اوغلانین سول الینده اولان جئب تئلفونوندان اوزونتولو سسله اوخویان سئزن اوتاغی باشینا آلمیشدی و ساغ الینین بارماغی کیتابین آراسیندا اولاراق مورگوله‌ییردی!
یوخویلا اویاقلیق آراسیندا صادیق هیدایتین خنزر پنزریندنبئینینده یاراتدیغی آداما بنزر بیریسی اوزونو اوزونه دایامیشدی و قانجیقجاسینا اوجادان گولوردو! چیرکین و اوزون توکلو اوزونو و ساری دیشلرینین آراسیندان چیخان ایستی نفسینی اوزونده دویماقدان اوجا و درین نفسله دیکسیندی و توکلری بیز بیز دوردو! هئچ بیلمه دی هاچان سئزنین انگین باسیب و یورغانینی باشینا چکدی! گؤردویونو بیرده گؤرمه‌سین دئیه گؤزلرینی برک سیخمیشدی و تیر تیر اسیردی...!
زنگلی ساعاتین دینگ دونگوندان یوخودان اویاندی و گیجه‌له گیجه‌له اؤزونو قاپینین یانینداکی آینایا یئتیردی!شیشمیش گؤزلرینه باخاراق گئجه‌کی اولایی دؤنه لرجه بئینیندن کئچیرتدی!
باشینی توولایاراق گولومسوندو.
"قارا باسیرمیش" دئدی...!
باخیشینی آینادان چئویریب و قاپینین پنجره‌سیندن حه‌یه‌طه تیکدی یئل یاتمیشدی و قار آچمیشدی!
گئجه یاخشی قار یاغمیشدی و هر یئری بوروموشدو!
تکجه قار اوستونده پیلله‌لردن باشلانیب و حه‌یط قاپیسیندا قورتارانٰ قویون آیاقلارینین ایزینه بنزر ایزلر دوغال دئییلدی...!

"امین ناصری"



داغ کن - کلوب دات کام
باخیش‌لار() 

77 - سئرچه

نویسنده :حسین ساعدی
تاریخ:جمعه 1 آبان 1394-09:23 ق.ظ

سئرچه بوتون گوجویله اوتا یاخینلاشیپ قاییدیردی.

سوروشدولار: نئیله­‌ییرسن؟

جاواپلادی: یاخین­دا بیر بولاق وار. دیمدیگیمی دؤنه دؤنه سویلا دولدوروپ، اوتا سپیرم.

دئدیلر: سنین گتیردیگین سودان نه چیخار کی.

دئدی: اوتو سؤندوره­ بیلمه‌میش اولابیله‌رم آنجاق تانری من­‌دن سوروشاندا: «یولداشین اوت­‌دا یاناندا نئیله­‌دین؟» ، دئیه­‌رم : هر نه الیم‌­دن گلیردی.




نوع مطلب : اؤیکو (داستان) 

داغ کن - کلوب دات کام
باخیش‌لار() 

50 - اسکی پارکین دوواری

نویسنده :حسین ساعدی
تاریخ:دوشنبه 9 شهریور 1394-11:08 ب.ظ

 ایکی سئری مدرسه‌نین ناظیمینی یوخودا گؤردوم، قولاغیم‌دان یاپیشمیشدی. گئجه‌ یوخوم گلمه‌دی. گؤره‌سن حسن ده منیم کیمین‌دیر، گؤره‌سن حسن ده ایندی اویاق‌دیر؟ ایکی اوچ ساهاتی ائله  "گؤره‌سن، دئیه‌سن‌لر"ینن سوودوم. حسن‌نن مدرسه‌دن یوز مئتیر آشاغی‌داکی کوچه‌نین قاباغیندا گؤروشه‌جه‌یدیک. اولمایا بیری دووار یازاندا بیزی گؤرموش اولا؟ اصلن گؤرسون دای، جهنمه‌ کی،  آدام دا بئربئله قورخاق اولار، یازمیشیق دای.   

ائودن کوچه‌نین باشینا یئتیشمه­ییم 15 دیقه چکدی. حسن کوچه‌‌نین اته‌ییندن گلیردی. من حسنه باخیردیم، مدرسه ده قالمیشدی منیم سول الیم­ده، یاخینلاشاندا گؤزلرینین شیشیک اولدوغونو گؤردوم. اوستو باشیندان بیر سئوینج‌له قورخو قاریشیق دویقو تؤکولوردو.


یازی‌نین آردی


داغ کن - کلوب دات کام
باخیش‌لار() 

43 - اون بیر ایل‌دی

نویسنده :حسین ساعدی
تاریخ:پنجشنبه 5 شهریور 1394-01:37 ب.ظ

اون‌بیر ایلدی هرگئجه یوخو گؤرورم، اون بیر ایل اؤنجه قافیل سانجی‌لار جانیما اوتوردو؛ او گوندن یوخولاریم دوغدو. سؤزوم باشقادیر هله‌لیک!

قاراباساندا ایمتاحان جلسه‌لرینده اولارام. ۱۰ نومره‌لیک دوزلدیب یازماغا هئچ نه تاپیلماز، مراقب‌لر ده هامی‌سی منه باخارلار. گؤزله‌رینه دیک باخا-باخا قورویوب قالارام؛ نه اولار جیبیمده‌کی تقلب‌لریمی چیخاریم یازیم کیمی فاغیر-فاغیر باخیش‌لار یاغار گؤزلریم‌دن. چاره‌م گیزلتدیییم تقلب‌لره قالار.

 


یازی‌نین آردی

نوع مطلب : اؤیکو (داستان) 

داغ کن - کلوب دات کام
باخیش‌لار() 

39 - شوقولات اؤیکوسو

نویسنده :حسین ساعدی
تاریخ:دوشنبه 2 شهریور 1394-01:38 ب.ظ

یولداش‌لاریمین بیری تعریفله‌‌ییردی

 اوتوبوسونان آیری شهردن گلیردیم 5-6 یاشیندا بیر اوشاق قاباقکی صندلده آناسی‌نین یانیندایکن کاکوولو شوقولاتی هئی توتوردو منه ساری هئی چکیردی اؤزونه ساری. منیم ده میرتیم دوردو  بو دؤنه اوشاق  شوقولاتی یاخینلاتجاغین دیشله‌دیم ، اوشاق بیراز هیسله‌نندن سورا آناسی باشقا بیر شوقولات وئردی، بیجه‌لک‌لیگیمدن بتر سئوینجک اولموشدوم!


یازی‌نین آردی


داغ کن - کلوب دات کام
باخیش‌لار() 

35 - چینار قراری‌! "بویجوق"

نویسنده :امین ناصری
تاریخ:یکشنبه 1 شهریور 1394-05:53 ب.ظ

خزل آیی‌نین سون گون‌لری‌یدی یادیندادی؟ همیشه کی کیمین قوجا چینارین آلتیندا گؤروشه‌جه‌یدیک اؤزوده ساعات تام بئشی چالاندا. تئلفونو باغلامادان بیرده دئدین اونوتما تام بئش‌ده چینارین آلتیندا گؤزله‌ییرم. بیرده گؤروشو یادیما سالماغینا بیر آز دا اولموشسا  سن‌دن اینجیمیشدیم! هئچ اولار من سنین یانینا گلمه‌یی اونودام؟



ادامه مطلب


داغ کن - کلوب دات کام
نظرات() 

15 - بایراملیق پالتار

نویسنده :امین ناصری
تاریخ:چهارشنبه 28 مرداد 1394-02:57 ب.ظ

یاشلی کیشی، بیر پالتار توکانینین ویترینینه خئیلک باخاندان سونرا، ایره‌­لی­‌ده­‌کی اوینایان اوشاق­لارین لاپ آریغینا اوز توتاراق، سسله‌­ندی: "جیققیلی­... منه بیراز یاردیم ائده­‌بیلرسن؟" اوشاق، هفته سون­‌لاریندا اوینادیقلاری شار اویونوندا ایلک دؤنه اوتدوغونو سایمایاراق یولداش­لارینی اؤتوروپ گلدی. یئددی سککیز یاش­لاریندایدی، اه‌­ینینده­‌کی پالتارلار، دئمک اولار داغیلمیشدی. یاشلی آدام، اوشاغین ساچ­‌لاری‌نی سیغاللادیقدان سونرا "ویترین­ده‌­کی پالتارلاری دئمیشم گئیه­‌سن، گئدک گؤرک اه­‌ینیوه اولاجاق؟" دئدی.

یازی‌نین آردی

نوع مطلب : اؤیکو (داستان) 

داغ کن - کلوب دات کام
باخیش‌لار() 




Admin Logo
themebox Logo