تبلیغات
*** ** میانا ادبیاتی *** ** - مطالب فرهاد کدخدایی

121 - سوکوت سسی، فرهاد کدخدایی

نویسنده :حسین ساعدی
تاریخ:شنبه 30 اردیبهشت 1396-11:27 ق.ظ

« سوکوت سسی » 


بیر گوزگو سوکوتام هاراییم اوجا 
سؤزوم وار دولویام بیرجه قولاق یوخ 
اوزوم قیریشسیزدیر ایچیم قات با قات 
اینجی‌لر یاتاغی هر بیری بیر اوخ

دوشومده آنالار لایلاسی یاتیب 
ایگیدلر نیسگیلی آللاها چاتیب 
اوغول وار آناسین بیر "پوک "ا ساتیب 
اوغول وار عؤمرونده قانماییب آز چوخ 

گؤردویوم دئییلمز سسیمیز داردا 
دار واردیر فرمانی لاپ یاخین یاردا 
ساقین، ساتقین بیلمز شرف ده آر دا
دونیانی ساتسا دا قارنی دئییل توخ 

بیری بیر دویمه ‏ده تانری قازانیر 
بیری ده آجیندان بوینو اوزانیر 
بیری ده وار سسی داردا قووزانیر 
ای شاعیر یولداشیم سوسما هارای دوغ 

گل سپک، یارا دا دوز دا اینجیسین 
بیر گؤزل قوشمادا سؤزده اینجیسین 
اورک ده باغیرسین اوز ده اینجیسین 
یا سوکوتا دالما یا سوکوتو بوغ 

سینمده داغ وارسا اؤزوم تورپاغام 
یوردومون ساچیندا دن دوشن آغام
 بیر گوزگو سوکوتام آجی دوستاغام
 آجیسان سؤزومدن سیندیر یئره سوخ!

فرهاد کدخدائی 



نوع مطلب : فرهاد کدخدایی 

داغ کن - کلوب دات کام
نظرات() 

117 - دؤزوم دوواری

نویسنده :حسین ساعدی
تاریخ:شنبه 13 آذر 1395-01:48 ق.ظ

بیر سیقارا
درین بیر یارا
گئجه‌نین قیرلی یوخوسو
باریت قوخوسو سپیلیر ساعات‌لارا
دؤزوم کولتورورونو اودا چکیرم؛
بیر سیقارا
یارالار دولور جییارا
یئره آتیلیر کیبریت چؤپ‌لری
باش‌لاری قارا
چئینه توپور اولموش فلسفه‌لر تک
یاپیشمایاجاق‌دیر قارا باشماغا!
یینه بیر سیقارا
یینه ده بیر چؤپ
یینه ده دلیجه پوکلایاجاغام
دوواردان آسلانمیش قیر-ساققیزلارا


شاعیر: فرهاد کدخدایی



نوع مطلب : فرهاد کدخدایی 

داغ کن - کلوب دات کام
نظرات() 

104 - پاسپورتاسیز گیریرسن یوخوما!

نویسنده :امین ناصری
تاریخ:شنبه 11 اردیبهشت 1395-04:08 ب.ظ

پاسپورتاسیز گیریرسن یوخوما

دوغورورسان دوشلریمی

معیار اولورسان معصوم دویغولارا

گؤزللیکلری سنله اؤلچورم،

یانغینلاری سئودانلا...


سینیرلاریندان دیپورت ائتدییندن بری

سنه کافر ائتدین منی!

باخ؛

یاریم مریم-لیک تانری اوچور بئینیمدن!

کیرپیکلریمدن سنی دنله-مک ایسته-ییرلرقوشا قوشلار...

"فرهاد کدخدایی"



نوع مطلب : فرهاد کدخدایی 

داغ کن - کلوب دات کام
باخیش‌لار() 

67 - احتیاجیندیرمی اوره ک؟

نویسنده :امین ناصری
تاریخ:دوشنبه 6 مهر 1394-12:47 ب.ظ

یاشام

اؤلوم

بارماقلارین سونوج کول کوسو

اومود قاناییر باخیشلاری

باشدان چیخارتدیرماسی نئچه-یه باخار؟

آخار

تومورلوغوندان پئسیکولوقلار!




ادامه مطلب

نوع مطلب : فرهاد کدخدایی 

داغ کن - کلوب دات کام
نظرات() 

13 - فرهاد کدخدایی‌دن بیر شعر

نویسنده :حسین ساعدی
تاریخ:چهارشنبه 28 مرداد 1394-09:32 ق.ظ

ایتیر بیر زاد 
نم هاردا ـ هر زامان 
ایچیم‌ده‌‌کی بوشلوق‌لارین آناسی‌دیر 
نه تاپیلیرام کؤکوم اوزانارکن 
نه چاتیلیرام اونا، اومودلاریم گله‏‌جه‏‌یه قاچا ـ قاچا 
هله‏‌لیییم قاپاق اولور روحوم‌داکی قویولارا 
وارلیغیم‌لا آختاریرام یوخلوق‌لاری دولدورماغا! 
هردن سئودا، آزادلیغا 
هردن اؤزگور، اینسانلیغا! 
هردن ساواش...
هردن باریش...
بیتمه‌یه‌‏جک بو آختاریش!



فرهاد کدخدایی



نوع مطلب : فرهاد کدخدایی 

داغ کن - کلوب دات کام
باخیش‌‌لار() 




Admin Logo
themebox Logo