تبلیغات
*** ** میانا ادبیاتی *** ** - مطالب امین ناصری

120 - اونوتمامیشدیم کلمه‌لری، امین ناصری

نویسنده :حسین ساعدی
تاریخ:پنجشنبه 21 اردیبهشت 1396-10:58 ق.ظ

اونوتمامیشدیم کلمه‌لری

ساده‌جه سسیم اونودولوردو شعرلرده...

کار دئییلدی هئچ بیر شعر

من لال‌ایدیم من...

ایچیمده قیشقیریردیم سسسیزلیگیمی...

پانتومیم اویناییردیم دفتریمده!

یازیلمادی شعر سایاغی کئچن گون‌لریم یازیلمادیم....!

اوخونمادی!
اوخونمادیم....!

"امین ناصری"


نوع مطلب : امین ناصری 

داغ کن - کلوب دات کام
نظرات() 

113 - امین ناصری نین بیر شعرینه باخیش - نادر ازهری دن

نویسنده :حسین ساعدی
تاریخ:یکشنبه 2 خرداد 1395-03:31 ب.ظ

 

امین ناصری نین شعرینه نادر ازهری

نه شوعار وئرمه گه

نه بیریسین دؤیمه گه

ساده جه

سنی الیمدن آلماسینلار دئیه

برک سیخمیشدیم یوموروغومو!

 

"امین ناصری"


ادامه مطلب

نوع مطلب : امین ناصری 

داغ کن - کلوب دات کام
نظرات() 

103 - آدین دوداقلاریمدا قاسناقلانمیش...!

نویسنده :امین ناصری
تاریخ:چهارشنبه 8 اردیبهشت 1395-06:14 ب.ظ

آدین
دوداقلاریمدا قاسناقلانمیش!
شالیز اییینی تامسینیر کؤهنه‌لمیش اه‌ینیم!
ثانیه‌لر نیهیلیست
قادینسال شعرلرینی ازبرله‌مه‌یه محکوم دور یاتاغیم!
 بلیرسیز یوخولاریمدان
پیرررر ائدیرسن
اوچورسان
ایتیرسن گؤزلریمدن!
من کی گؤی گؤز گؤیله توتوشموردوم!!!
شهریورین ۱۲ سیده قایتارمایاجاق سنی!
فدایی یازارلارین قایغیسی وطن دیر ، بیلیرم!
سئوگی زورلانمیر بیانیه لره!
ایاقلاریمی بیر جوت قانادا آلان وارمی؟!
ساچلاریندا ایتیردیم بارماقلاریمی!
قیسیر قالماسین شعریم دئیه
قایتارماسینا گلیرم!
ایاقلاریما للک ده وئرمیر پینه چی بی!
داش اولوب آتیلماغیم گلیر
یوم گؤزلرینی!
سایخاش پنجره نین قالابالیقلیغینا ده‌یسین!
آلمایا ده‌یسین!
شهریورین ۳۱ اینه یئتیشه جک می آلمالار؟

"امین ناصری"



نوع مطلب : امین ناصری 

داغ کن - کلوب دات کام
نظرات() 

89 - قورخو!

نویسنده :حسین ساعدی
تاریخ:شنبه 26 دی 1394-03:56 ب.ظ

سویوغون قاباغین آلسین دئیه پنجره‌یه توتولان نایلون شاققیلداییردی!
بالکون‌دان آسلانان لامپین یئل‌ده ترپنمه سیندن اوتاغی هردن بوغوناق قارانلیق و هردنسه گوجسوز ایشیق بورویوردو!
پونج (سوبا) بوروسونا گوج‌له تپیلن یئل کولک قورخونج کوشولتویله بورودا فیرلانیردی و قاز گوجویله یانان پونجون اودو تیتره‌ییردی!
اؤلو کیمی باشینی دووارا سؤیکه‌ییب یاریمچیلیق اوزانان اوغلانین سول الینده اولان جئب تئلفونوندان اوزونتولو سسله اوخویان سئزن اوتاغی باشینا آلمیشدی و ساغ الینین بارماغی کیتابین آراسیندا اولاراق مورگوله‌ییردی!
یوخویلا اویاقلیق آراسیندا صادیق هیدایتین خنزر پنزریندنبئینینده یاراتدیغی آداما بنزر بیریسی اوزونو اوزونه دایامیشدی و قانجیقجاسینا اوجادان گولوردو! چیرکین و اوزون توکلو اوزونو و ساری دیشلرینین آراسیندان چیخان ایستی نفسینی اوزونده دویماقدان اوجا و درین نفسله دیکسیندی و توکلری بیز بیز دوردو! هئچ بیلمه دی هاچان سئزنین انگین باسیب و یورغانینی باشینا چکدی! گؤردویونو بیرده گؤرمه‌سین دئیه گؤزلرینی برک سیخمیشدی و تیر تیر اسیردی...!
زنگلی ساعاتین دینگ دونگوندان یوخودان اویاندی و گیجه‌له گیجه‌له اؤزونو قاپینین یانینداکی آینایا یئتیردی!شیشمیش گؤزلرینه باخاراق گئجه‌کی اولایی دؤنه لرجه بئینیندن کئچیرتدی!
باشینی توولایاراق گولومسوندو.
"قارا باسیرمیش" دئدی...!
باخیشینی آینادان چئویریب و قاپینین پنجره‌سیندن حه‌یه‌طه تیکدی یئل یاتمیشدی و قار آچمیشدی!
گئجه یاخشی قار یاغمیشدی و هر یئری بوروموشدو!
تکجه قار اوستونده پیلله‌لردن باشلانیب و حه‌یط قاپیسیندا قورتارانٰ قویون آیاقلارینین ایزینه بنزر ایزلر دوغال دئییلدی...!

"امین ناصری"



داغ کن - کلوب دات کام
باخیش‌لار() 

23 - دینله - امین ناصری‌دن

نویسنده :حسین ساعدی
تاریخ:پنجشنبه 29 مرداد 1394-01:02 ب.ظ

دینله
کؤنلونون قوروقچوسوز قبریستانی‌نی دینله!
بیر آنا اوغلونو اویاتماغا باغیریر!
و سن یان‌یانا اوزانمیش شهیدلرین
لیریک اؤلوم‌لرینین خاتیره‌سین
کمدی پییئس یازیرسان!
ساتیلمیر!
کؤنلونون 
مئلودرام سسینی دینله!

"امین ناصری (ائلبان)"

ایلگی‌لی یازی:



نوع مطلب : امین ناصری 
دنبالک ها: دینله (فرانک آغایی) 

داغ کن - کلوب دات کام
باخیش‌لار() 

12 - ال‌لریم‌ده تحصصون ائدیب قارقالار...

نویسنده :حسین ساعدی
تاریخ:سه شنبه 27 مرداد 1394-04:13 ب.ظ

گؤیه آچیلان بارماقلاریم‌دان
کندیر باغلامیشام
 دوعالاریم 
تانری‌یا گئدن
یئددی بوروق یولون بیرینجی کوچه‌سینده آسیلیر!
و اعتیراضیم
قارقالار بوغازیندان
تئلئگراف اولور تانری‌یا!
ال‌لریم‌ده 
تحصصون ائدیر قارقالار...
و مجویزسیز تحصصونون سونو
دوستاق
دار
اؤلوم...
قان دامیر بارماقلاریمین آراسیندان...

امین ناصری (ائلبان)


نوع مطلب : امین ناصری 

داغ کن - کلوب دات کام
نظرات() 




Admin Logo
themebox Logo