تبلیغات
*** ** میانا ادبیاتی *** ** - مطالب بهمن 1396

134 - قارچیچگی بوزدا...، قاسم نوربخش

نویسنده :حسین ساعدی
تاریخ:پنجشنبه 12 بهمن 1396-11:42 ق.ظ

قارچیچگی بوزدا .......

بیرینین طالئعین، زیروه‌لندیریر
بیرینین زیروه دن، باختین ائندیریر
بیری گونش تکین، گئجه نی بویار
بیری قارانلیقدا، گونش سؤندورور 
بیری قاندال یاشار، بیری دار یاشار
ایگیدلر زاوالسیز، دونیا وار یاشار 
...........
بیری گونش یئلی، چیچک ییرقالار
بیری قارا یئلدی، قیتقین چولقالار
بیرینین نئفسی، ائل زوماری‌دی
بیری کدر اوسته، کدری قالار
قارامیخ تیکانی، زهریمار یاشار
بیری آلما یاشار، بیری نار یاشار 
..........
تاریخ قوجالسا دا، زامان قوجالماز
خاطیرلرده قالان، اینسان قوجالماز
گونش قارانلیقدان، صاباحی ساچار
قارا گئجه لرده، آغ دان قوجالماز 
بیری دومان یاشار، بیری قار یاشار
بیری کامان یاشار، بیری تار یاشار 
.......‌.‌...
پاییزلا سال طیفان، من اولام یاغیش 
سن دولدور گؤزلری، من یویوم باخیش
سولدور باغچا-باغی، من شیمشک-چاخیش
ایلیک یاز تؤره‌دیم، یاشیل یاشاییش
بیری دوستاق، چه‌پر، دؤرت دووار یاشار
قار چیچه‌یی بوزدا، آل باهار یاشار 

قاسم نوربخش


نوع مطلب : قاسم نوربخش 

داغ کن - کلوب دات کام
نظرات() 




Admin Logo
themebox Logo