تبلیغات
*** ** میانا ادبیاتی *** ** - مطالب اردیبهشت 1395

112 - بیرلیک - عسگر علیائی کلیان (عماد یاشیل)

نویسنده :حسین ساعدی
تاریخ:شنبه 18 اردیبهشت 1395-11:15 ب.ظ

"بیرلیک"

 

 

یولوم چوخ اوزوندور، مسله‌ییم درین

بیر بئله اینام‌لا اولموشام برین

صرافام چکرم سووزون جووهرین

اولارام بیر نسلین دانیشان دیلی

حسرت زمی‌سینده بیتن املی.

***

یاشاییش نغمه سی اوستون مطلبیم

دویقو قانادلاری، خیال مرکبیم

قان ایله بویانمیش آل مورککبیم

باغیررام یاییلا دونیایا سسیم

تونقاللار قایایا، اودلو نفسیم

***

آخار سولار کیمی داغیللام آرخا

تورکه آرخا اوللام، ائل منه آرخا

یوخسا بو بیرلیک‌دن یابانچی قورخا

"قاراباغ" دا نعشین اوزاداق یئره

سیچان دلیگینه هوولوندن گیره

 

شعر:عسگر علیائی کلیان(عماد یاشیل)




داغ کن - کلوب دات کام
نظرات() 

111 - آزربایجان باشین ساغ اولسون!

نویسنده :امین ناصری
تاریخ:چهارشنبه 15 اردیبهشت 1395-07:22 ب.ظ

آذربایجانین تانینمیش خالق شاعری سؤهراب طاهیر دونیاسینی ده‌ییشدی. 
سهراب طاهر شاعر نامی و برنده چندین جایزه ادبی جهانی دار فانی را وداع گفت.
روحـــــــــو شـــــــاد.

دردی درد اولموشدو ائلینده منه
آغلادیم بیر ناشی گولنده منه
هئچ کیم آغلاماسین اؤلنده منه
من هئچ واخت هئچ زامان اؤلمرم داها

دنیزلر دریالار منه دایازدی
أن درین بیر چای وار اودا آرازدی
منه گؤروش وئریب سعادت ، آزدی
گؤروشسم آیریلماق بیلمه رم داها

آزاد قارداشیم وار اونونلا خوشام
من گرک ساحیلی ساحیله قوشام
ایکی بؤلونمکدن ائله قورخموشام
چؤپوده ایکی یه بؤلمه رم داها

منیم خوشبختلیگیم هارداسا ایتدی
چوخ هاسات گلمیشدی چوخ هاسات گئتدی
منه نه ائدیبسه سعادت ائتدی
یازیق سعادته گولمه رم داها

شعر: سهراب طاهیر
سهراب طاهر



نوع مطلب : خبرلر 

داغ کن - کلوب دات کام
باخیشلار() 

110 - گئتدین می؟

نویسنده :امین ناصری
تاریخ:دوشنبه 13 اردیبهشت 1395-05:27 ب.ظ

گئتدین می؟
گئتمه!
یوخ گئت!
سن گئتدین...
من
موجویز آلمایان یاشام توپلوسو ایله جئب تئلفونومدا
قالدیم یالنیز...
گئدیرسن می؟
ایندیسه توپلا قورولوقلاری آیاق قابیلارینا
آپار
باشقا دنیزین ماوی لیگینه
قاییت!
قاییت....
ما...
اورمو گؤلو جانلاشیر
گؤزلریمده کی شور گؤز بولودلارلا...

"لیلا بابایی"



داغ کن - کلوب دات کام
باخیش‌لار() 

109 - رسمی دانیشیقلاردا دیلمیزین یوخاری قابلیتی

نویسنده :حسین ساعدی
تاریخ:دوشنبه 13 اردیبهشت 1395-01:04 ق.ظ

اولو  تانری نین آدی ایله

آشاغیداکی جومله لره دیققت ائدین لوطفن! بو دانیشیق‏لارین «الف» نمونه لری یانلیش و «ب» نمونه لری داها دوزگون قیرامئریمیز اساسیندا یازیلمیش‏دیر.

الف: در مجموع 31 نفر در مراحل اولیه جهت نمایندگی مجلس از شهرستان میانه نام نویسی ائله دی‏لر!

ب: مییانا شهرستانیندان مجلس سئچکی‏لرین ایلک مرحله سینده [اوست  اوسته] 31 نفر آد یازدیردی‏لار.

 

الف : از تعداد ذکر شده بعضی عدم احراز صلاحیت تشخیص وئریلدی‏لر

ب: اوسته دئدیک‏لریمیزین نئچه سینین صلاحیتی (یئتکیسی) احراز اولمادی


ادامه مطلب


داغ کن - کلوب دات کام
نظرات() 

108 - سنی دوغان گونش - آیهان میانالی

نویسنده :حسین ساعدی
تاریخ:دوشنبه 13 اردیبهشت 1395-12:56 ق.ظ

سنی دوغان گونش

 منی دوغاجاق قارانلیق دا.

آنالی،

    آناسیز چاغین

             آغلایان کیمی

                        بیر دار آغاجی،

 


قالانین اوخو


داغ کن - کلوب دات کام
باخیشلار() 

107 - باخدیم / یوسف جوادی

نویسنده :حسین ساعدی
تاریخ:شنبه 11 اردیبهشت 1395-10:22 ب.ظ

سنسیز گئجه لر، آی یوخ اولاندان، یولا باخدیم

آختاردی گؤزوم، تاپمادی ساغ‌دان، سولا باخدیم

اسمه سحرین، دان یئلی آی‌دا، گؤزو یول‌دا

داشلاندی گؤلون، گؤزلری یاش‌دان، دولا باخدیم

باخدیم گؤیه اولدوزلار ایچینده او یوخویدو

آز قالدی گؤیون رنگی شاپاق‌دان سولا باخدیم

یاشماق‌دا بورونموشدو گئجه آی بولود آلت‌دا

غم باسدی ساچین آز قالا باش‌دان یولا باخدیم

آیسیز بو قارانلیق گئجه‌لر سن ده یئرین بوش

پارلاندیراسان آی ایشیغیندان اولا باخدیم

باش یاسدیغا قویدوم هوش آپاردی او یوخومدا

تؤکموشدو بویانمیش ساری ساچ‌دان قولا باخدیم

 

یوسف جوادی

*****

شعرلری بوردا یازماقدان آماجیمیز، اوخویوب نظر وئرمه ییزدیر، لوتفن تورک ادبیاتینین گلیشمه سینه کؤمک ائله یین.



نوع مطلب : یوسف جوادی 

داغ کن - کلوب دات کام
نظرات() 

106 - شئعر یازیریق گوله گوله

نویسنده :حسین ساعدی
تاریخ:شنبه 11 اردیبهشت 1395-07:00 ب.ظ

تانری‌یلا بیرلیکده 

شئعر یازیریق گوله گوله

تانری قورویور گؤزلریم‌ده

گیزله‌نیر ساچ‌لاریم‌دا

من وورولورام 

اونون گئدیش یولونا

 

فاطمه سراجی "تانری"


======

شعرلری بوردا یازماقدان آماجیمیز، اوخویوب نظر وئرمه ییزدیر، لوتفن تورک ادبیاتیناین گلیشمه سینه یاردیمچی اولون.



نوع مطلب : فاطمه سراجی 

داغ کن - کلوب دات کام
باخیش‌لار() 

105 - یالنیزلیق،یالنیزلیق،یئنه یالنیزلیق...

نویسنده :امین ناصری
تاریخ:شنبه 11 اردیبهشت 1395-04:18 ب.ظ

چوخدان یازمادیغیــم سؤزوم یاواشجا

اوخشاییر اوزومو... ایسلاق و ایستی

بیر دونیـــا یولداشدان بیری ده یوخدو

نه ایده آلیــستی... نه رئالیـــستی...


بلکی ده دوغرودان هر نه یالان میش

بلکی ده هر نه یی اوتوزدوم گئــتدی

بلکی ده منیمکی بورا کیمی ایمیش

بلکی ده بو ناغیــل بوشونا بیـــــتدی


باخ گؤر گؤزلرینــــه اینانیرسان می؟!

بو منم!! کیمسه سیز... چاره سیز... یالنیز...

نه گلدی باشیما؟! نئـیله دین منـه؟!

ائی آنـــی لاریمدا یاشاتدیغیم قیـــز

"کمال کبیری"




داغ کن - کلوب دات کام
باخیش‌لار() 

104 - پاسپورتاسیز گیریرسن یوخوما!

نویسنده :امین ناصری
تاریخ:شنبه 11 اردیبهشت 1395-04:08 ب.ظ

پاسپورتاسیز گیریرسن یوخوما

دوغورورسان دوشلریمی

معیار اولورسان معصوم دویغولارا

گؤزللیکلری سنله اؤلچورم،

یانغینلاری سئودانلا...


سینیرلاریندان دیپورت ائتدییندن بری

سنه کافر ائتدین منی!

باخ؛

یاریم مریم-لیک تانری اوچور بئینیمدن!

کیرپیکلریمدن سنی دنله-مک ایسته-ییرلرقوشا قوشلار...

"فرهاد کدخدایی"



نوع مطلب : فرهاد کدخدایی 

داغ کن - کلوب دات کام
باخیش‌لار() 

103 - آدین دوداقلاریمدا قاسناقلانمیش...!

نویسنده :امین ناصری
تاریخ:چهارشنبه 8 اردیبهشت 1395-06:14 ب.ظ

آدین
دوداقلاریمدا قاسناقلانمیش!
شالیز اییینی تامسینیر کؤهنه‌لمیش اه‌ینیم!
ثانیه‌لر نیهیلیست
قادینسال شعرلرینی ازبرله‌مه‌یه محکوم دور یاتاغیم!
 بلیرسیز یوخولاریمدان
پیرررر ائدیرسن
اوچورسان
ایتیرسن گؤزلریمدن!
من کی گؤی گؤز گؤیله توتوشموردوم!!!
شهریورین ۱۲ سیده قایتارمایاجاق سنی!
فدایی یازارلارین قایغیسی وطن دیر ، بیلیرم!
سئوگی زورلانمیر بیانیه لره!
ایاقلاریمی بیر جوت قانادا آلان وارمی؟!
ساچلاریندا ایتیردیم بارماقلاریمی!
قیسیر قالماسین شعریم دئیه
قایتارماسینا گلیرم!
ایاقلاریما للک ده وئرمیر پینه چی بی!
داش اولوب آتیلماغیم گلیر
یوم گؤزلرینی!
سایخاش پنجره نین قالابالیقلیغینا ده‌یسین!
آلمایا ده‌یسین!
شهریورین ۳۱ اینه یئتیشه جک می آلمالار؟

"امین ناصری"



نوع مطلب : امین ناصری 

داغ کن - کلوب دات کام
نظرات() 

102 - قالدى اللریمده وئردیگین گوللر!

نویسنده :امین ناصری
تاریخ:چهارشنبه 8 اردیبهشت 1395-05:55 ب.ظ

قالدى اللریمده وئردیگین گوللر
كئچمیش خاطیره لر گؤزوم اؤنونده
گؤزلریم باخاركن دالینجا سؤیلر
قولاغیم آسیلى قالیب اؤنونده

 


ادامه مطلب

نوع مطلب : تایماز میانالی 

داغ کن - کلوب دات کام
نظرات() 

101 - سوروندو باخیشیم کولگه سایاغی...!

نویسنده :امین ناصری
تاریخ:چهارشنبه 8 اردیبهشت 1395-05:46 ب.ظ

سوروندو باخیشیم کولگه سایاغی
 دایان دور بئله سی هارا گئدیرسن
گؤزلریم سو سه‌پیر آرخانجا سنین
اوره‌گیم سؤزونو نییه  دئمیرسن

 


ادامه مطلب


داغ کن - کلوب دات کام
نظرات() 

100 - یانیرام آیسیز گئجه لرده!

نویسنده :امین ناصری
تاریخ:چهارشنبه 8 اردیبهشت 1395-05:34 ب.ظ

بیر ماهنی...
بیر شعر...
بیرساری سئوگی
بیر آخشام سیزی
گمی لرده کؤنلومو اوخشایان
دلی دالغالاردیر بو گئجه
دنیز قیزی
باغلاما پنجره نی
ایچیم ایچیم اوزولورم
آاااااااخ
شاختادان سویولور یارالاریم
یارا یارا
یاریلیرام
اویولور دوداقلاریمداکی قوش اوره یی
توکنمه ین داریخمالاریمدان
 بیر له له ک سئوگی سویونورام
یام یاشیل
قیپ قیرمیزی
ماس ماوی
یئلله نیر یایلم لارین یاناشماسیندا
سن یوخسان
قوشمالاریم قافیه سیز دیر
باخ
یالقیز بیر گوزگو آجی ییر
گؤزلریمده
بیر حسرت
بیر باغیرتی
بیر دمیر چیچک
بیر گونه باخانلی لئچک
هایاندا سان
دیزین دیزین
دایانیرام
یانیرام  آیسیز گئجه لرده...

"دومان بختیاری"



نوع مطلب : دومان بختیاری 

داغ کن - کلوب دات کام
نظرات() 

99 - هایدی!

نویسنده :امین ناصری
تاریخ:چهارشنبه 8 اردیبهشت 1395-05:31 ب.ظ

هایدی!
 قورودو دیرناقلاریمین لاکی
هاچان قوناق گله جکسن؟
هایدی!
هیتلرین بیغینی وئر چارلی-یه
بیر تپیک وور تئلئویزیونا
سینسین دووار!
سینسین راین-ین بوزلاری
قوی جالانسین گولوشلرین روحوما
آپار منی اوزاقلارا..
زینقیرولارین سسی گلیر اورادان
یاشامگیلین ائویندن!
آنام یئنه داغ باساجاق
-_گیزلین گلدیم ائوینیزه-
 داغ باساجاق آنامی
هایدی!
قورتار منی بورادان...
قورتار منی بورادان.....

"فرانک آقایی"



نوع مطلب : فرانک آقایی 

داغ کن - کلوب دات کام
نظرات() 

98 - مملکتیمی اعتیراف ائدیرم!

نویسنده :امین ناصری
تاریخ:چهارشنبه 8 اردیبهشت 1395-05:24 ب.ظ

پاسپورتوما باخیرلار هرگون
مملکتیمی اعتیراف ائدیرم
نه آدیمی سوروشورلار
نه سنی

یالانلارا اینانان پلیسلری سئویرم
اللرینده توفنگ
گوزلرینده قورخو
رویالاریندا امنیت

پاسپورتوما باخیرلار
مملکتیمی اعتیراف ائدیرم...

جمعه 3 اردیبهشت 1395
حلله-عراق

" مصطفی_شیخ_پور "



نوع مطلب : مصظفی شیخ‌پور 

داغ کن - کلوب دات کام
نظرات() 

97 - یانغین ایستک!

نویسنده :امین ناصری
تاریخ:چهارشنبه 8 اردیبهشت 1395-05:19 ب.ظ

یانغین ایستک

باشیم گؤیده اولدوزلاری تالان ائدیر

آیاغیمدا پاسلی قاندال

بویوم اوجا

الیم قیسا

دامارلاریم ایلان کیمی

اؤزلوگومده قالخا – قالخا

سورونرکن

قابار – قابار اللریمده

اولدوزلانیر

یانغین ایستک!

***

"ابراهیم احمدی"

İbrahım əhmədi



نوع مطلب : ابراهیم احمدی 

داغ کن - کلوب دات کام
نظرات() 

96 - دونیانین لاپ پیس باجی سی

نویسنده :حسین ساعدی
تاریخ:پنجشنبه 2 اردیبهشت 1395-11:39 ب.ظ

بئش یاشیم وار ایدی
باجیم منی سالدی کومودا (کمد)
قاپیسین دا قیفیللادی
اونا یامان دئدیم
دوشونوردوم او دونیانین
لاپ پیس باجیسی دی
قارانلیق دا آغلادیم

اوقدر آغلادیم کی هوشدن گئتدیم
هوشا گلندن سونرا…..
ائرمنی عسگرلر باجیمی اؤلدورموشدولر…
پنج سالم بود
خواهرم من را وارد کمد کرد
درش را هم قفل کرد
بهش بد و بی راه گفتم
فکر می کردم او
بدترین خواهر دنیاست
در تاریکی گریه کردم

آنقدر گریه کردم که بیهوش افتادم
بعد از اینکه به هوش آمدم
سربازان ارمنی خواهرم را کشته بودند.



نوع مطلب :

داغ کن - کلوب دات کام
نظرات() 




Admin Logo
themebox Logo