تبلیغات
*** ** میانا ادبیاتی *** ** - مطالب مهر 1394

76 - منیم یازیق کؤرپه کؤنلوم....

نویسنده :امین ناصری
تاریخ:سه شنبه 28 مهر 1394-11:27 ب.ظ

منیم یازیق کؤرپه کؤنلوم
سنی هارا آپاریم کی ؟
اولدوزلاری ایشیق ساچسین قارشیلیق سیز ؟!
گئجه لری سوکوتویلا شعیر دوغسون،

سنی هارا آپاریم کی
آدام آدلی مانکن لرین اللرینده دیدیلمه سین مصراع لارین ،
اوره یینی یاخا یاخا گؤزلریندن آخیب گلن کلمه لرین اوشاقلیغی قاناماسین ،!
سنی هارا آپاریم کی
یاشیل لیغین اوشومه سین،
ماوی لیین داریخماسین!-

بیز بو عصرین آداملاری دئییلدیک کی !
،خان چوبانی یوخ بو عصرین
آرپا چایی ساراسیلا قورودولوب
جمدک گزیر اوره کلرین دؤیونتوسو،
عاشق اویناییر مجلس لرین اورتاسیندا،
ساتیر سنی ،ساتیر منی
ساری پولا ، قارا پولا
لئیلی سانیر هر گله نی ،
اوشاق اوشاق ،تمیز تمیز دویغولارین ،
ایچی قوسور
کئیفی سوسور،
مینم یازیق کؤرپه کونلوم

شریفه جعفری


نوع مطلب : شریفه جعفری 

داغ کن - کلوب دات کام
نظرات() 

75 - گؤره‌سن واریمیش یا هئچ یوخوموش؟

نویسنده :امین ناصری
تاریخ:سه شنبه 28 مهر 1394-02:19 ب.ظ

یام یاشیل مئشه‌لر، آلمالی باغ‌لار
دورنا گؤز بولاق‌لار، چیچکلی داغ‌لار
سه‌ییرَن کهلیکلر، گؤزل سونالار
گؤره‌سن واریمیش یا هئچ یوخوموش؟
سس‌سیز دره‌لرده بیتن بنووشه
قونچه‌لر آچیلا اوزلر گولوشه
اوشاق‌لار اوینایان دووارسیز مئشه
گؤره‌سن واریمیش یا هئچ یوخوموش؟
بیری بیرین سئومک پولسوز- پاراسیز
شاققا چالیب گولمک دردسیز، یاراسیز
آرخایین یاشاماق سؤزسوز قاراسیز
گؤره‌سن واریمیش یا هئچ یوخوموش؟
داغین زیروه‌سینده آغلایا گؤزه
قایادان گؤموشو شلاله سوزه
قارانلیق گئجه‌لر چاتا گوندوزه
گؤره‌سن واریمیش یا هئچ یوخوموش؟
گئجه‌لر یوخودا آغ آتا مینمک
قاپی دؤیولنده اورک سئوینمک
سازیلان سؤزولن ائلی دیندیرمک
گؤره‌سن واریمیش یا هئچ یوخوموش؟


گولردی قیز- اوغلان بو گئجه توی وار
اوره‌ک‌دن سیلینیب گئدردی قوبار
بیرده او مهربان ال‌لر، خینالار
گؤره‌سن واریمیش یا هئچ یوخوموش؟
دویون‌لر آچیلا دوس‌لار الیله
قونشو قونشوسونون دیلیله گوله
باجینی گؤرمه‌یه قارداش‌لار گله
گؤره‌سن واریمیش یا هئچ یوخوموش؟
تارلالاردا سوزه‌ن تئللی توراغای
هریانا باخسایدین بولاغیدی، چای
کندین آخشام چاغی قیز- اوغلان های- های
گؤره‌سن واریمیش یا هئچ یوخوموش؟
به‌ی اؤز قورشاغینا سؤزون باغلایا
قاینانا جاوابین دوزون باغلایا
گلین او قورشاغا اؤزون باغلایا
گؤره‌سن واریمیش یا هئچ یوخوموش؟
ارشد نظری


نوع مطلب : ارشد نظری 

داغ کن - کلوب دات کام
باخیش‌لار() 

74 - گل سون قویاق آرتیق سویوق ساواشا!

نویسنده :امین ناصری
تاریخ:دوشنبه 27 مهر 1394-07:54 ب.ظ

گل هرنه یی بیرده باش‌دان باشلایاق 
گل یئنه ده دؤنک ایکی یولداشا 
او شیرین گوناهی بیرده سینایاق
یاشایاق قول قولا... یاتاق باش باشا 

گل پایلاشاق یئنه هر نه‌یی بیر بیر 
گل دونیاما یئنه گؤزللیک گتیر
کؤکسومده یووا سال، اوره‌ییمه گیر 
من سن‌ده یاشاییم، سن من‌ده یاشا 

گل دلی کؤنلومون ایستکلی یاری 
حئییف‌دیر دویمایاق بو ایلک باهاری
بیرداها اونودوب یانلیشلیق‌لاری 
گل سون قویاق آرتیق سویوق ساواشا


نوع مطلب : کمال کبیری 

داغ کن - کلوب دات کام
باخیش‌لار() 

73 - سئوگی تانری‌سی دوز دئمیر من‌له

نویسنده :حسین ساعدی
تاریخ:چهارشنبه 22 مهر 1394-03:10 ب.ظ

چال اؤپوش‌لری‌نین

پاییزلی هاواسین.
شامان دانسی اویناییرام
سئوگی‌یه یئتیشمک اوچون.
بو گون ال‌لریم قانا باتاجاق؛
سئوگی تانری‌سی
دوز دئمیر من‌له


نوید آقایی



نوع مطلب : نوید آقایی 

داغ کن - کلوب دات کام
باخیش‌لار() 

72 - آیریلیق ماهنی‌سی

نویسنده :حسین ساعدی
تاریخ:چهارشنبه 15 مهر 1394-10:58 ب.ظ


Fikrindən gecələr yata bilmirəm

Bu fikri başımdan ata bilmirəm

Neyləyim ki, sənə çata bilmirəm

Ayrılıq, ayrılıq, aman ayrılıq

Hər bir dərddən olar yaman ayrılıq


از فکرت شب ها خوابم نمیبره
نمیتونم این فکر رو از سرم بیرون کنم
چه کنم که به تو نمی توانم برسم
جدایی، جدایی، امان از جدایی
از هر دردی بدتر هست جدایی

Uzundur hicrindən qara gecələr

Vurubdur qəlbimə yara gecələr

Bilmirəm, mən gedim hara gecələr

Ayrılıq, ayrılıq, aman ayrılıq

Hər bir dərddən olar yaman ayrılıq


از هجران تو شب های سیاه طولانی اند
به قلبم زخم زده اند شب‌ها
نمی دانم شب ها کجا بروم من
جدایی، جدایی، امان از جدایی
از هر دردی بدتر هست جدایی




داغ کن - کلوب دات کام
نظرات() 

71 - بارماق‌لارین من قوخویور

نویسنده :حسین ساعدی
تاریخ:سه شنبه 14 مهر 1394-09:17 ب.ظ

سالدین منی ،اوزرلیک تک
اوووج اوووج ،چیمدیک چیمدیک پاتلادیم سنی ،قیسقاندیم سنی
هله یانماغیمی قوخولاییر گؤزون
بارماق‌لارین من قوخویور!
یابانچی‌لار گؤز وورماسین،
توستوم دولوب یاتاغینا
یاتاغیندا غم قوخویور
من قوخویور...

فرانک آقایی


نوع مطلب : فرانک آقایی 

داغ کن - کلوب دات کام
نظرات() 

70 - شاعیرله‌شیرم...

نویسنده :امین ناصری
تاریخ:جمعه 10 مهر 1394-08:50 ب.ظ

سوچ‌لاریم ساچ‌لارینی دوشونور

من کپنک‌لری

اوچه بؤلور فلسفه‌می

دونیا سونوندا

یالین آیاق بیر کیشی

مفتیل توخویور نغمه‌لره

 

ومن

هر آخشام ... ال‌لری  قانلی

ساهات سسینه اومدوقجا

شاعیرله‌شیرم...


روزبه سعادتی



نوع مطلب : روزبه سعادتی 

داغ کن - کلوب دات کام
نظرات() 

69 - ائلیمیزین اورک سیزیسی حبیب ساهیردن بیر شعر!

نویسنده :امین ناصری
تاریخ:جمعه 10 مهر 1394-08:27 ب.ظ

ایسته‌رم غملی و طوفانلی گئجه یولچولارا

بیر فانیس تک

یادا قطب اولدوزو تک رهبر اولام

ایسته‌رم یای گونو

چؤل‌لرده آخان بیر سو اولوب

دوم دورو گؤز یاشی تک

یول‌‌‌دا چوخور ایچره دولام 

ایسته‌مم نقش و نگاریم قالا شئعریم اوخونا

ایسته‌رم بیر سیزی حسرت تک اورک‌لرده قالام

اونودورسا منی ائل

چکمه‌سه تاریخ آدیمی

ایسته‌رم آی تکی یورد اوسته

گئجه شوق سالام...!



نوع مطلب : حبیب ساهیر 

داغ کن - کلوب دات کام
باخیش‌لار() 

68 - ایمگه‌؛ کیلاسیک و چاغداش ادبیاتیمیزدا تئوریک کئیفیّتی (بولود مرادی)

نویسنده :امین ناصری
تاریخ:جمعه 10 مهر 1394-07:48 ب.ظ

ایمگه‌؛ کیلاسیک و چاغداش ادبیاتیمیزدا تئوریک کئیفیّتی
اؤتری مولاحیظه لر
آچار سؤزلر: ایمگه، تصویر، ایمگه چئشیدلری، کیلاسیزم، مودئرنیزم، رسمی ادبیات، فولکلور.
هرندن اؤنجه دومان اردم –ین یاییملانمامیش سون شئعیر کیتابیندان ائله- بئله سئچدییمیز بو شئعری، رئاللیق باخیمیندان رئال دنیایا گؤره و تصویرلرینه دیقّت ائدرک اوخویاق:

یادیندامی او شاعیر دوستوموزو خَتنه ائتدیلر؟
کردیده اکدیلر
یادیندامی؟
گونه باخان چیچه یی بیتدی اورادا
باخ بارماغیمین توشویلا اورادا باااا

بیز کافهنین عینکینی چیخاردیق
تر کؤینهییمیزله
نفسیمیزله سیلدیک
کافه باخدی 
ماسالار باخدی

یادیندامی گونش او یاغمورلو سحرده
اییلدی پنجره دن آدیمیزی دئدیک اونا
او دا آدینی دئدی بیزه
گونشین آدی نه ایدی آیدین؟

من او قیزا دئدیمکی
سنی ایت کیمی سئویرم
من ایتم بس قویروغوم هانی آیدین؟
باخ گؤر قزئتین آراسیندامی؟
پنجرهدن آتیلیب هوره جه یم!
هوو هوو هوو باخ کپنک وار کپنک...

کؤلگه مه سوروشکی
اونا نه قدر کلیشهیم
کؤلگه م منه قاندال وورور
منی حبسه آتیر آیدین...

کافه تئلویزیونوندا
قول وورور قولاقلاریمیزا
حضرت مولانا پروفسور دوکتور مئسسی...

اونا سورکی
آرژانتینده ده می پولونو وئرمیر شاعیرلرین کتابچیلار؟
بو حریف بوگون بیزه پول وئرمه یه جک آیدین

شهرین باتیسیندا ساتارخان
دوغوسوندا باغیران خان
سولاییر  آتلاری آیدین
بیز دوش آلیریق کوچه ده بولودلار آلتدا...

بونلار دئدیکی:
بوجور آداملار بازارین ایچینه
بازاردا اوجور آداملارین ایچینه
بیز هانسی جوروک آیدین؟

بیز بونا سئوینیریک کی بوتون دلیلر تیرده دوغولدو
مایا کوفسکی تیرده دوغولدو
بختیار، سعید، زیبا، آیدین، دومان
بیز هانسی آیدا دوغولدوق آیدین؟
بیز دوغولمادیق یوخو گؤروروک یوخو
آنالاریمیزین بطنینده
باخ او محلله ده سوغان سویور آنالار
آغلاییر آنالار
بیزیم بختیمیزه آیدین.... 





ادامه مطلب

نوع مطلب : الشدیری (نقد) 

داغ کن - کلوب دات کام
نظرات() 

67 - احتیاجیندیرمی اوره ک؟

نویسنده :امین ناصری
تاریخ:دوشنبه 6 مهر 1394-12:47 ب.ظ

یاشام

اؤلوم

بارماقلارین سونوج کول کوسو

اومود قاناییر باخیشلاری

باشدان چیخارتدیرماسی نئچه-یه باخار؟

آخار

تومورلوغوندان پئسیکولوقلار!




ادامه مطلب

نوع مطلب : فرهاد کدخدایی 

داغ کن - کلوب دات کام
نظرات() 

66 - کلمه لرین مثبت و منفی مفهوم لاری!

نویسنده :حسین ساعدی
تاریخ:چهارشنبه 1 مهر 1394-09:27 ب.ظ

هر دیلین اؤزونه مخصوص ده‌یری وار و هر میللتین دیلی اؤزونه عزیزدیر. کیمسه دیل فرقلییی اوچون بیریندن اوستون یا بیریندن آشاغی ساییلمامالی‏دیر.

بعضی اؤلکه لر، موختلیف ائتنیک قوروپلاردان اولوشدوغو اوچون نئچه دیلی رسمی لشدیرمیشلر. بو اوزدن بو اؤلکه لرده یاشایان بوتون قومیت‏لره، دیل آچیسیندان گلیشمه مانع لری یارانمایاجاق. ان آزی دیل‏لری ضعفه اوغرامایاجاق. اؤته یاندان موختلیف قومیت‏لر یاشادیغی بیر اؤلکه ده یالنیز بیر دیلین رسمی اولماسی ایله باشقا ائتنیک قوروپلارین دیلینین گلیشمه سینده ایستر ایسته مز مانع‏لر تؤره نیله جک. بو مانع لرین بیری رسمی دیلده کلمه لرین موثبت یؤنونون (=طرفینین) قابارماسی و همن کلمه نین باشقا ائتنیک قوروپلارین دیل لرینجه قارشیلیغینین منفی مفهوم یوکو داشیماسی‏دیر!


یازی‌نین آردی


داغ کن - کلوب دات کام
باخیش‌لار() 




Admin Logo
themebox Logo