تبلیغات
*** ** میانا ادبیاتی *** ** - مطالب اسفند 1394

95 - سن منیم اولماسان ائل‌لر گوناه‌کار - حسن نوری دن

نویسنده :حسین ساعدی
تاریخ:سه شنبه 4 اسفند 1394-02:59 ب.ظ


اؤزگورلوک دئیه‌رک باش قالدیرماییب
قبریمیز باشیندا داش قالدیرماییب
گؤزموز اوزوندن یاش قالدیرماییب
 سن منیم اولماسان ائل‌لر گوناه‌کار

سنی کیم تامسینیب، سنی کیم دادیب
سنی کیم اودلاییب، بئله فیرلادیب
یالانچی دویغولار، دیل‌لر آلدادیب
 سن منیم اولماسان دیل‌لر گوناه‌کار

سن اؤزون ناز گلیب، نازدا گئدیرسن
شئعیرده گلیرسن، سازدا گئدیرسن
قیش‌دا خوش گلیب‌سن، یازدا گئدیرسن
 سن منیم اولماسان ایل‌لر گوناه‌کار

داغ‌لاردان تؤکولدوم، لئهیم چیخمادی
آیریلیق ائوینی سئلیم ییخمادی
سئل‌لر خان چوبانا دوغرو آخمادی
 سن منیم اولماسان سئل‌لر گوناه‌کار

تئلینی اوزونده خوش آیرییب‌سان
تئلیندن بیر تله یئر قاییریب‌سان
تئلینده اؤزگه‌نی تورا سالیب‌سان 
 سن منیم اولماسان تئل‌لر گوناه‌کار

سنی بیر گول ایله آداخلایارلار
سونوندا او گولو آیاخلایارلار
گول‌لرکی آدامی ساغ ساخلایارلار
 سن منیم اولماسان گول‌لر گوناه‌کار

اگر اوره‌یینین ویجدانی اولسا
منه بیر یول دئنن ایمکانی اولسا
ائل‌لری آتارام هریانی اولسا
 سن منیم اولماسان ائل‌لر گوناه‌کار

 سؤز: ح.نوری


نوع مطلب : حسن نوری 

داغ کن - کلوب دات کام
نظرات() 

94 - خانیم آیدا مرتضی پوردان بیر شعر

نویسنده :حسین ساعدی
تاریخ:سه شنبه 4 اسفند 1394-10:34 ق.ظ

بیر گمی رسم ائله‌ییرم

بیر جوت سن‌له من

بیر جوت سئرچه

بیر جوت قوقو

بیر جوت فیل، جئیران، دوه

بوتون وارلیق‌لارین جوتون یان یانا بیر آ. بئش کاغیذیندا یئرلشتیر‌مه‌یه  چالیشیرام

گمی‌نین بیر قاتینی دا بوش قویورام

آللاه ایسترسه بورا یئرلشسین

چوخ چتین‌دیر

بیلیرم

آمما

بیر ایناتجی نوح وار

بیر ایناتجی فیرتینا

 

آیدا مرتضی پور

******************

عزیزلر، خانیم مرتضی پور، شعرلری نین نقد اولماسی نی ایسته ییپلر، لوتفن باخیش لاریزی اسیرگه مه یین

آچیقلاما: وئبلاگ‌داکی بوتون یازی‌لار  یؤنه‌تیجی‌لر طرفیندن تورکجه یازیم قورال‌لارینا گؤره دوزلتیلیر.

 



نوع مطلب :

داغ کن - کلوب دات کام
نظرات() 




Admin Logo
themebox Logo