تبلیغات
*** ** میانا ادبیاتی *** ** - 63 - سنسیز یاشاماغین نه معناسی وار؟

63 - سنسیز یاشاماغین نه معناسی وار؟

نویسنده :امین ناصری
تاریخ:یکشنبه 29 شهریور 1394-09:40 ب.ظ

سنسیز یاشاماغین نه معناسی وار؟
اؤلومدور ائله‌بیل سنسیز آن‌لاریم
سحرلی شعریمین گول دوعاسی وار
سن‌ده دوغولموشدور هیجان‌لاریم

بو دلی اولدوزون طالعی قان‌دیر
آخاندا شاققا شاق سینیر اوره‌ییم
سحریم دومانلی داغیم وئران‌دیر
پاییزین اوغروندا دونور اوره‌ییم

دردینه دردیمی قاتابیلردیم
یارامین اوستونو آچماسایدیلار
بیر گئجه اولدوزلو یاتا بیلردیم
یوخوم‌دا دورنالار اوچماسایدیلار

یاز الیم الینده غزل قوخوسون
یاز قارا طالعین قیشینا توشدوک
پوزموشام بو گئجه آییین یوخوسون
یادیندا دوز گونو آیدا گوروشدوک

یئنه ده او چاغا دؤنمک ایستیرم1
یئنه ده یایلیغین یاییلسین گرک
 ساهاتین قولوندان ائنمک ایستیرم
بو خسته یوخودان آییلسین گرک

"دومان"


*****
اؤلچون (معیار) دیل‌ده: ایسته‌ییرم


نوع مطلب : دومان بختیاری 

داغ کن - کلوب دات کام
باخیش‌لار() 
Sévil
شنبه 4 مهر 1394 08:35 ق.ظ
چوخ گؤزل شعردی
ساغولون
 
لبخندناراحتچشمک
نیشخندبغلسوال
قلبخجالتزبان
ماچتعجبعصبانی
عینکشیطانگریه
خندهقهقههخداحافظ
سبزقهرهورا
دستگلتفکر
نظرات پس از تایید نشان داده خواهند شد.




Admin Logo
themebox Logo