تبلیغات
*** ** میانا ادبیاتی *** ** - 60 - سن گئده‌لی ساچ‌لاریما دن دوشوب

60 - سن گئده‌لی ساچ‌لاریما دن دوشوب

نویسنده :حسین ساعدی
تاریخ:جمعه 27 شهریور 1394-08:49 ب.ظ

سن گئده‌لی ساچ‌لاریما دن دوشوب
قارا چیمن یول‌لارینا چن دوشوب
نئیله‌مه‌لی خاطیریمه "سن" دوشوب
حیدربابان داردا قالیب شهریار
هئچ بیلمیرم هاردا قالیب شهریار

قورو گؤلون قازلارینا نه گلمیش
کت کؤوشه‌نین یازلارینا نه گلمیش
آشیق‌لارین سازلارینا نه گلمیش
مزاریندان قالخ آیاغا شهریار
دردلریمیز چؤنوب داغا شهریار

چوخ زامان‌دیر کندین گونو باتیبدیر
اوشاق‌لارین شام یئمه‌میش یاتیبدیر
آی ایشیغین اون شاهایا ساتیبدیر
ناغیل دئین یوخلاییبدیر شهریار
اوره‌ییمی اوخلاییبدیر شهریار

بیزیم کنده آرمود ساتان گلمه‌دی
یازیق عممه دانیشمادی گولمه‌دی
یاشاماغین لذذه‌تینی بیلمه‌دی
هر گون آخشام یولا باخیر شهریار
یاناغیندان اولدوز آخیر شهریار

دنیزیمیز قورویاندا یوخلادیق
قورخا قورخا اوزوموزو ساخلادیق
قایا ایکن کؤکوموزدن لاخلادیق
دده اولوب ولوه‌له‌دیر شهریار
ائلین یوکو بیر شه‌له‌دیر شهریار

داغیلیرام تبریزینه باخاندا
گؤی آغلامیر ایلدیریم‌لار شاخاندا
کول اولورام گؤیدن اولدوز آخاندا
بولودلاردا بوردان کوسورشهریار
ساچ‌لاریمدا نیسگیل اسیر شهریار

مرد اوغول‌لار دوستاق‌لارا دا جان وئریر
تولکولرده شیلتاقلانیر یان وئریر
تورپاغیمین یارالاری قان وئریر
یارامیزا دوز اله‌نیر شهریار
یاشامیمیز کیلکه‌له‌نیر شهریار

من بیلیرم یوخوموزدا آغیردی
بیری گلیب اؤلکه‌میزده باغیردی
بابا بیزی یاشاماغا چاغیردی
بیله بیله اویانمادیق شهریار
کال یوخودان دویانمادیق شهریار

تورپاغیمی تالاییرلار بولورلر
منی قانلی دوداق‌لاردا گولورلر
ایزیمیزی آددیم آددیم سیلیرلر
اوبالاری دومان آلیب شهریار
شاعیر اوغلون فیکره دالیب شهریار

"دومان"


نوع مطلب : دومان بختیاری 

داغ کن - کلوب دات کام
باخیش‌لار() 
زیبا میراحمدی
سه شنبه 28 مهر 1394 02:44 ب.ظ
دومان اعلادی
Sévil
یکشنبه 29 شهریور 1394 06:32 ب.ظ
اعلادیر
 
لبخندناراحتچشمک
نیشخندبغلسوال
قلبخجالتزبان
ماچتعجبعصبانی
عینکشیطانگریه
خندهقهقههخداحافظ
سبزقهرهورا
دستگلتفکر
نظرات پس از تایید نشان داده خواهند شد.




Admin Logo
themebox Logo