تبلیغات
*** ** میانا ادبیاتی *** ** - 48 - سنسیزلییی چؤرک آراسینا بوکورم!

48 - سنسیزلییی چؤرک آراسینا بوکورم!

نویسنده :امین ناصری
تاریخ:شنبه 7 شهریور 1394-02:55 ب.ظ


سنسیزلییی چؤرک آراسینا بوکورم

قوربت آخشام‌لاری

دنیز قیراغی

گمی‌لری ایزله‌مک…

بو شهر هئچ تورلو سنه بنزه‌میر

نه داغ‌لاری قافلانتی

نه دنیزی خزر

نه آی‌لاری آی

نه گونشی، بیر گؤزلین گؤزلرینه بنزر...


گلن نفتین قوخوسوندا

هانسی گول تسلیم ائده‌بیلر سیلاحلاری

بورا لال،

بورا کور

بوردا عیصیان‌لاریم بوغولور

بوردا میصر- التحریر مئیدانی

بوردا سودان گونئیلی‌لرینه ایستیقلال مارشی

هامی‌سی بیر ساحیل‌دیر بیر داغ

زنجیرلری سئویرلر ایشچی‌لر

سحر چاغ‌لاری ارکن اویانیر جنازه‌لر

سان گؤرورلر فابریکالاردا دمیرلردن!!

دمیرلری سئویر ایشچیلر

آنالار کیمی، بالالار کیمی، سئوگیلی‌لر کیمی

سنسیزلییی، وطنسیزلییی

قوسورام داغ‌لارینا بو شهرین

گون دوغمادان دنیزده‌یم

گؤزل بیر یوخویا دالیرام

یئنه سئویرم سنی

یئنه گزیرم « تبریز» کوچه‌لرین

قیش دیر هاوا سویوق، « مییانا» دا آنام اوشویور

سئوگیلیم گؤزلریمه باخیر- یالان دانیشیر

دوداق‌لاریم‌دا دونور، "سنی سئویرم‌"لر…

بارماق اوج‌لاریندا گؤستریلن اوچاق‌لارلا

کؤچورم سن‌دن

سورگون دوشورم بو شهره

اؤزگور بالیق‌لار منه گؤز وورور

یاواش- یاواش ساحیله چاتیرام

گمی‌لرده اسارت تویو،

بالیقچی‌لار دنیزه گئتمه یه تله سیر.

"مصطفی شیخ پور"


نوع مطلب : مصظفی شیخ‌پور 

داغ کن - کلوب دات کام
باخیش‌لار() 
جمعه 13 شهریور 1394 12:38 ق.ظ
یاشایین....چوخ چوخ گؤزل
sevil
یکشنبه 8 شهریور 1394 10:48 ب.ظ
چوخ گؤزل بیر شعر اوخودوم
 
لبخندناراحتچشمک
نیشخندبغلسوال
قلبخجالتزبان
ماچتعجبعصبانی
عینکشیطانگریه
خندهقهقههخداحافظ
سبزقهرهورا
دستگلتفکر
نظرات پس از تایید نشان داده خواهند شد.




Admin Logo
themebox Logo