تبلیغات
*** ** میانا ادبیاتی *** ** - 47 - گوله گوله

47 - گوله گوله

نویسنده :حسین ساعدی
تاریخ:شنبه 7 شهریور 1394-01:18 ب.ظ

دوداغیندان دردیم سنی

گوله گوله

به‌به‌ییم‌ده فوتوگرافین

گیله گیله

ازیلمه گؤز یاشیم سوزر

اوره‌ییمی سن‌دن اوزر

اوزولر سن سوزه سوزه

یئر اوزونده تورپاق یانیر

ایچر سنی

ماوی گؤزلوم

یاغیشی‌نین قوخوسوندان

 سئچر سنی

سوزمه هله

اؤزونو گل اوزمه هله

ایندی کی سئوگی‌لر توتوق

آچیلماییر ایچری‌ده

آتاندا دا اوتاندا دا

کیتاب کیمی یاتاندا دا

ال‌دن اله اوخونمادان

قورخوسوندان کیمسه‌لره

 توخونمادان

توتوق توتوق

ایچیلمه‌ییر آچیلماییر

سوزمه هله

یوبانگینان گؤزلریم‌ده

گیله گیله

یاناغیم‌دا اوچوقلامیش سؤزون قالسین

پوفله‌مه قوی کولوم آلت‌دا

کؤزون قالسین

گوله گوله...


"یوسف جوادی"



نوع مطلب : یوسف جوادی 

داغ کن - کلوب دات کام
نظرات() 
یوسف جوادی
دوشنبه 9 شهریور 1394 11:29 ب.ظ
ساغولون سئویل خانیم جنابلاری باش ویردیغینیز اوچون
sevil
یکشنبه 8 شهریور 1394 11:02 ب.ظ
هر زامان کیمین جوادی بی یین گؤزل شئعرلرین اوخوماقدان سئوینجلییم
ساغ اولون
 
لبخندناراحتچشمک
نیشخندبغلسوال
قلبخجالتزبان
ماچتعجبعصبانی
عینکشیطانگریه
خندهقهقههخداحافظ
سبزقهرهورا
دستگلتفکر
نظرات پس از تایید نشان داده خواهند شد.




Admin Logo
themebox Logo