تبلیغات
*** ** میانا ادبیاتی *** ** - 43 - اون بیر ایل‌دی

43 - اون بیر ایل‌دی

نویسنده :حسین ساعدی
تاریخ:پنجشنبه 5 شهریور 1394-01:37 ب.ظ

اون‌بیر ایلدی هرگئجه یوخو گؤرورم، اون بیر ایل اؤنجه قافیل سانجی‌لار جانیما اوتوردو؛ او گوندن یوخولاریم دوغدو. سؤزوم باشقادیر هله‌لیک!

قاراباساندا ایمتاحان جلسه‌لرینده اولارام. ۱۰ نومره‌لیک دوزلدیب یازماغا هئچ نه تاپیلماز، مراقب‌لر ده هامی‌سی منه باخارلار. گؤزله‌رینه دیک باخا-باخا قورویوب قالارام؛ نه اولار جیبیمده‌کی تقلب‌لریمی چیخاریم یازیم کیمی فاغیر-فاغیر باخیش‌لار یاغار گؤزلریم‌دن. چاره‌م گیزلتدیییم تقلب‌لره قالار.

 

الیمی جیبیمه سالجاغین هامیسی باشیم اوستونو کسیر، بیله‌ییمدن توتوب سیخیرلار، بوشلا، قوی جیبینه دئییرلر. بیله‌یییمین آغری‌سیندان یوخودان آییلیرام. منیم تکجه تیکراری یوخوم بودور.
دوروب گؤرنده‌کی او زامان نئجه اولموشسا درسی بیتیردیم سئوینه‌رم، اوره‌ییم سرینله‌یر، اوزوم گولر کی شوکر آللاه یوخویموش گینه...

لاپ ایندی یوخودان چیغیرا-چیغیرا گوج بیللاه ائله‌یه-ائله‌یه آییلدیم. چالیشیرام اونوتمایام، هامیسی معمولی آدام‌لار ایدیلار گؤردوک‌لریم، یاخینا گلنده اوزلری اه‌ییلیردی؛ هره‌سی بیر سئری بوغوب اؤتوروردولر. قیشقیریردیم شاپالاقلاییردیلار. من هئچ بئله کیلیشه‌لری یوخوما یول وئرمزدیم. ندنسه هردن یوخولارین دا باشینا داش دوشور؛ بیلمیرلر نه اویوندان چیخسینلار.
اون‌بیر ایلین اوزاقلیغیندان باشلانیب بو گونه چاتان گونومه قدر، گونده ایکی یول فرقلی یاشام طرزینی تجروبه ائدیرم. بیری گونلوک یاشام بیری ایسه یوخودا باش وئرنلر. گؤررسن بعضی‌لری "اونو یوخودا دا گؤرنمزسن" دئیرلر بیر-بیرلرینه. من چوخ‌لاری‌نین یوخوسونا گلمه‌ین‌لری ده ایسته‌دیییم گئجه گؤرورم.
اون‌بیر ایلدی هر گئجه یوخو گؤرورم...
___________ 
94/05/26 صوب ساعات 5، اکبر پاشایی


نوع مطلب : اؤیکو (داستان) 

داغ کن - کلوب دات کام
باخیش‌لار() 
 
لبخندناراحتچشمک
نیشخندبغلسوال
قلبخجالتزبان
ماچتعجبعصبانی
عینکشیطانگریه
خندهقهقههخداحافظ
سبزقهرهورا
دستگلتفکر
نظرات پس از تایید نشان داده خواهند شد.




Admin Logo
themebox Logo