تبلیغات
*** ** میانا ادبیاتی *** ** - 42 - "پاپاق" یوخسا " بؤرک"

42 - "پاپاق" یوخسا " بؤرک"

نویسنده :حسین ساعدی
تاریخ:چهارشنبه 4 شهریور 1394-04:52 ب.ظ

"ادبی دیل" تئوری­چی‌­لری­‌نین عاغلا سیغمایان هونرلری بیر ایکی دئییل کی. آشاغی‌دا وئریلن بو دانیشیغا باخین (او تای­لی "ادبی دیل" وورغونو بیر عالیم­‌له منیم دانیشیغیم دیر!!!):

- سیز نیـیه "بؤرک" سؤزونو ایشله‌تمیرسینیز؟

- آخی "بؤرک" سؤزجویو لهجه‌دیر.

-اوتوز میلیونلوق بیر جمعیت ایشلـه‌دن سؤز نئجه لهجه سانیلا‌بیلـر؟

  (تئوری جاواب وئرمه­‌دی!)

- بونا "پاپاق" دئییلمه‌­لی‌دیر!

- آخی "پاپاق" بیرجور بؤرک‌دور. بوتون بؤرک‌­لره دئییله‌بیلمـز! ایندی عومومی بیر آد آختارساق نئیله‌­مه‌­لی‌ییک؟

- اوندا ایسه ادبی دیلده "کولاه" دئـیه‌­ریک!

-  . . . . . .

 

دوغرودان دا -مرحوم موستجاب­الدعوه دئمیشکن- "فئیض آپارمالی"دیر. مین ایل ایره­‌لی "دیوان لغات الترک"-ده وئریلمیش اون­لارجا میلیونلوق بیر جمعیت ایشله­‌دن بیر آدی لهجه سانیر. تانینمیش شاه آدیندا "بؤرکو یاریق" کیمی ایشله‌­نن، خالقین مثل­‌لریندن آیریلمایان (بیری­نین باشینا بؤرک قویماق! دده‌­سی­‌نین بؤرکون گئیمک! بؤرکو باشا قویان گرک بؤرکونه ده بیر یاراشا . . . .کیمی) بیر سؤزو کیم بیزیم بئینیمیزه لهجه آدیندا یئرلشدیریر. سونرا قتلینه فرمان وئر

 

دیل بئله‌­جه آنلانیلابیلمـز!

بیزه باخ! دیلین استاندارد شیوه‌­سینه (standard variety) مودئرن دیلچی­لیک‌ده بیز هله "ادبی دیل" دئییریک. فارس‌­لار یئنه "زبان نوشتاری" دئمک­له بیزدن بیر آددیم قاباق‌دیرلار.

"ناصر منظوری"

http://www.avava.blogfa.com/post-52.aspx

 




داغ کن - کلوب دات کام
باخیش‌لار() 
 
لبخندناراحتچشمک
نیشخندبغلسوال
قلبخجالتزبان
ماچتعجبعصبانی
عینکشیطانگریه
خندهقهقههخداحافظ
سبزقهرهورا
دستگلتفکر
نظرات پس از تایید نشان داده خواهند شد.




Admin Logo
themebox Logo