تبلیغات
*** ** میانا ادبیاتی *** ** - 33 - رامیز روشنین شعرینه الشدیری

33 - رامیز روشنین شعرینه الشدیری

نویسنده :امین ناصری
تاریخ:یکشنبه 1 شهریور 1394-11:06 ق.ظ

 رامیز روشنین "قدریمی بیلمه‌دی بو آدام منیم " آدلی شعرینه الشدیری (نقد)


بیلمیرم هایاندان تاپدی عؤمرومو

بیر دلی آت کیمی چاپدی عؤمرومو

داغلارا داش‌لارا چیرپدی عؤمرومو

قدریمی بیلمه‌دی بو آدام منیم

ایلاهی، آل منی بونون الیندن!
کاش منیم عؤمرومو بو یئر اوزونده

بیر اؤزگه آداما توش ائله‌یه‌یدین

لاپ منی آدام یوخ قوش ائله‌یه‌یدین

لاپ بئله بیر قارا داش ائله‌یه‌یدین

منی بو آداما سن نئجه قییدین

ایلاهی، آل منی بونون الیندن!



آل منی، وئر منی، اؤزگه‌لره وئر

قیریق آینالارا، گؤزگولره وئر

بؤلونوم، یوز تیکه، مین ‌تیکه اولوم

بو آدام اوزومه باخا بیلمه‌سین

منی آینالارین قیریق‌لاریندان

توپلایا‌بیلمه‌سین ییغابیلمه‌سین

ایلاهی، آل منی بونون الیندن! 



بؤلونسم دردیم ده بؤلوندو بلکه

هر دردیم یوز تیکه، مین تیکه اولدو

بیر دردیم قالمادی اؤزوم‌دن یئکه

بوتون دردلریم‌دن من یئکه اولدوم



بو یئرین اوستونده، گؤیون آلتیندا

بؤلونسم، هر تیکم بیر یانا دوشسه

هاچان‌سا کئفینین خوش ساعاتیندا

ایلاهی تزه‌دن یادینا دوشسم



تزه‌دن توپلاسان قیریق‌لاریمی

سینیق ال‌لریمی آیاق‌لاریمی

آغزیمی بورونومو قولاق‌لاریمی

ایلاهی تزه‌دن جالاسان منی



دونیانین اَن گؤزل گوزگوسو اوللام

تزه‌دن دونیایا یوللاسان منی

بو آدام اولمارام اؤزگه‌سی اوللام

ایلاهی، آل منی بونون الیندن!..


رامیز روشن
_______________________________
مقاله :
هر زامان دانیشماق ایستیه‌ین گرک اؤز زامانین ائشیدنی‌یله موناسیب و اویغون دانیشسین .
حافیظ دوورونده  ، 8ینجی عصیرده و حافیظ قبول ائله‌دیگی عیرفانا  گؤره بو غزل گرک یازیلسین بیربه‌بیر کلمه لر ،تشبیه لر ، ایستیعاره‌لر و یا خود شئعرین اؤز گؤزل قالیبی بیربیرینه کؤمک ائله‌ییر کی بو شئعر 8ینجی عصیرین اَن گؤزل شئعرلریندن بیری اولسون و اؤز گؤزللیگینی ایندی‌یه تک ساخلایابیلسین بیر سؤز دئمه‌لی‌یم :
آیا ایندی کی عصیرده کی ناظیم دئمه لی :(ان اوزونی بیر ایل سورر اؤلوم آجی‌سی) ادبیات زمینه‌سینده ائلیندن باشقا و یا ادبیاتا ماراقلی اولان‌لاردان باشقا کیمه اوخوتماق اولار کی " طراز پیرهن زرکشم مبین چون شمع " و یا خود بو میصراعی " چنین قفس نه سزای چو من خوش الحانیست " نیما بویورودوغو کیمین هر عصرین سؤزو بیر باشقا دیل‌ده یازیلمالی‌دیر بیر صورتده کی او عصرین اوخویان‌لاری راحاتلیق‌لا اونو اوخویوب و باشا دوشسونلر عصیریمیزین بؤیوک و چالیشان شاعیرلرین سیره‌سینده بؤیوک‌لردن بیری ده رامیز روشن جنابلاریدیرلار. 
او اوستادین گؤزل شئعری آز دئییل آنجاق منیم فیکریمی 8اینجی عصره قایتاران شئعری بئله آألانیر : قدریمی بیلمه دی بو آدام منیم 
سیز عزیز و موحترم اوستادلارا بو شئعرله باغلی بیر نئچه سؤز آچیقلاماق ایسته‌ییرم اول بندینده یازیر بیلمیرم هایاندان تاپدی عؤمرومو: منیم بو آداما توش گلمه‌ییم بیر تصادوف اوزرینده باش وئریب . بو تورپاق‌دان دوزه‌لن عئینن بیر دلی آت کیمین منی اؤزویله سورویوب و چوخلو چتینلیک‌لر منه یاشادیب . عئینن حافیظ بویوردوغو کیمین : چنین قفس نه سزای چو من خوش الحانسیت .
حافیظ یازیر"روم به گلشن رضوان " بورا مینم شانیم‌ده دئییل جناب روشن بو شئعرین ایکینجی بندینده یازیرکی ( کاش منیم عؤمرومو بو یئر اؤزونده بیر اؤزگه آداما توش ائله‌یه‌یدین لاپ منی آدام یوخ قوش ائله‌ یه‌یدین لاپ بئله بیر قارا داش ائله‌یه‌یدین ) عئینن حافیظین یازدیغی کیمین کی اؤزونو همدرد نافه حتن بیلیر .
حافیظ شئعرینین دؤردونجو بئیتینده بویورور کی قودس آلمینه قاییتماق ‌ایسته‌ییرم آمما حئییف کی بو دونیادا جیسم اسیری‌یم . حافیظ قاییتماق آرزیلاییر جناب روشن ده شئعرینین اوچونجو بندینده اؤز جیسمینه فنا اولماق  ایسته‌ییر بؤلونمک یوز تیکه اولماق ائله کی بو آدامین الیندن قورتولوسن و سونرا آرزیلاییرکی بؤلونندن سونرا تزه دن الهی یادینا دوشسون و بیر دفه ده اولدن یارانسین و دونیانین اَن گؤزل آیناسی اولسون و بو آینا بللی دیر کی تانری شکیلینین دونیایه گؤسترمک ایستیر .
حافیظ شئعرینین سونوندا یازیرکی " بیا و هستی حافظ ز پیش او بردار " عئینن جناب روشن یازدیغی کیمین الهی آل منی بونون اَلیندن .

یازاز: "رضوان حاجی قاسملو"
92.9.31



داغ کن - کلوب دات کام
باخیش‌لار() 
leyla babai
جمعه 6 شهریور 1394 08:57 ب.ظ
یاشایین اوستادیم

یئنی بیلگیلر اؤرگندیم
قارا قارقا
چهارشنبه 4 شهریور 1394 11:36 ق.ظ
جالب نوکته لار اورگشدیخ. ساغول
 
لبخندناراحتچشمک
نیشخندبغلسوال
قلبخجالتزبان
ماچتعجبعصبانی
عینکشیطانگریه
خندهقهقههخداحافظ
سبزقهرهورا
دستگلتفکر
نظرات پس از تایید نشان داده خواهند شد.




Admin Logo
themebox Logo