تبلیغات
*** ** میانا ادبیاتی *** ** - 32 - فارسجادان گلن "کی" حرفی

32 - فارسجادان گلن "کی" حرفی

نویسنده :حسین ساعدی
تاریخ:شنبه 31 مرداد 1394-04:23 ب.ظ

سئویملی دیلداشلاریمی سلاملاییرام

بعضی یازی‌لاریمیزدا و چئویرمه‌لریمیزده باشقا دیل‌لرین ( مخصوصاً فارسجا ) گرامری تأثیرینده حدسیز-حساب‏سیز « کی » حرفی‌نی قوللانیریق. مختصر دیلیمیزین گرامرینی اؤیرنمک‌له بئله جومله‌لردن کیفایت قدر چکینه‏‌بیله‏‌رک یازی‌لاریمیزین دا داها گؤزللشمه‌سینه سبب اولاریق.

دیلیمیزده فارسجادان آلینما « کی » سؤزونو ایشلتمه‌‏مه‏‌یه موختلیف یول‌لار وار. اوجومله‌دن

- تورکجه جومله قورولوشونو باشارماق.

- فعل‌لری ، فاعیلی صفتلری ایله بیان ائتمک.

- فعل‌لری مصدر شکلینده قوللانماق.

- دیلیمیزین موختلیف باغلاییجی‌لاریندان فایدالانماق و ...

آشاغی‌دا گتیره‌‏جه‏‌ییم مثال‌لاردا « الف » و « ب » جومله‌لرین بیر مفهومو یئتیردیگینه باخمایاراق « الف » جومله‌لری ایرادلی آنجاق « ب » جومله‌لری دوزگون‌دور.

الف : اولار کی ایمان گتیریبلر...!

ب: ایمان گتیرن‌لر...! ( اینانمیشلار )

الف : او آداملارکی دوز دانیشیرلار چوخ سئویرم.

ب: دوز دانیشان آدام‌لاری چوخ سئویرم.

الف: او اوغلان کی دئییردین گلدی!

ب: دئدیگین اوغلان گلدی!

الف: سن‌دن ایسته‌میشدیم کی گله‌سن.

ب: سن‌دن گلمه‌یینی ایسته‌میشدیم.

الف : اینانیرام کی حضرت مهدی ( عج ) گله‌جک.

ب: حضرت مهدی ( عج ) -ین گله‌جه‏‌یینه اینانیرام.

الف: اوجور کی دئییرلر یاخشی آدام‌دیر!

ب: دئییلن‌لره گؤره یاخشی آدام‌دیر.

الف: اوجورکی سن فیکر ائله ییرسن دئییل!

ب: سن فیکر ائله‌دیگین کیمی دئییل! و...

بو مطلب‌ده یازی‌لاریمیزدا « کی » سؤزوندن چکینمه‌ییمیز گرکدیر دئمک ایسته‌مه‌میشم. ترسینه چوخ یئرلرده ( مخصوصاً تأکید حالتین گؤسترمه‌یه ) « کی » سؤزونه احتیاجیمیز وار. منجه هاردا بو حرفی ایشلتمه‌ییمیز مطلبی راحاتجاسینا بیان ائتمه‌ییمیزه سبب اولسا اونو فایدالانمالی ییق...




داغ کن - کلوب دات کام
باخیش‌لار() 
sevil
دوشنبه 9 شهریور 1394 11:07 ق.ظ
دیلیمیزه گؤره بیلگی وئردیغیز اوچون ساغولون
فایدالی دی
RA
شنبه 31 مرداد 1394 10:35 ب.ظ
سلام ساغولون وبلاگ اوچون همیده بیلگیله ر ایچین بیلگیله رین ایدامه سینی گوزلیریق.تشکور.
 
لبخندناراحتچشمک
نیشخندبغلسوال
قلبخجالتزبان
ماچتعجبعصبانی
عینکشیطانگریه
خندهقهقههخداحافظ
سبزقهرهورا
دستگلتفکر
نظرات پس از تایید نشان داده خواهند شد.




Admin Logo
themebox Logo