تبلیغات
*** ** میانا ادبیاتی *** ** - 109 - رسمی دانیشیقلاردا دیلمیزین یوخاری قابلیتی

109 - رسمی دانیشیقلاردا دیلمیزین یوخاری قابلیتی

نویسنده :حسین ساعدی
تاریخ:دوشنبه 13 اردیبهشت 1395-12:04 ق.ظ

اولو  تانری نین آدی ایله

آشاغیداکی جومله لره دیققت ائدین لوطفن! بو دانیشیق‏لارین «الف» نمونه لری یانلیش و «ب» نمونه لری داها دوزگون قیرامئریمیز اساسیندا یازیلمیش‏دیر.

الف: در مجموع 31 نفر در مراحل اولیه جهت نمایندگی مجلس از شهرستان میانه نام نویسی ائله دی‏لر!

ب: مییانا شهرستانیندان مجلس سئچکی‏لرین ایلک مرحله سینده [اوست  اوسته] 31 نفر آد یازدیردی‏لار.

 

الف : از تعداد ذکر شده بعضی عدم احراز صلاحیت تشخیص وئریلدی‏لر

ب: اوسته دئدیک‏لریمیزین نئچه سینین صلاحیتی (یئتکیسی) احراز اولمادی


 

الف: و بیر نئچه نفر دیگر رد صلاحیت اولدولار

ب: و نئچه سینین ده صلاحیتی رد اولدو!

 

الف: برای اینکه حق کسی ضایع اولمییا در بررسی صلاحیت بو کاندیدالار نهایت دقت از سوی نهادهای نظارتی اعمال اولوندو

ب: کیمسه نین حاققی باتماسین دئیه نظارت قورولوش‏لاری طرفیندن کاندیدالارین صلاحیت‏لرینی یوخلاماقدا سون درجه دیققت یئتیریلدی.

 

الف: یکی از کاندیداهای مجلس میانه دئدی‏لر کی من نهایت تلاشیمی در جهت رفع مشکل آب شرب میانه ائلییه جییم!

ب: مییانانین مجلس کاندیدالارینین بیری شهریمیزین ایچمه لی سو مسئله سینی قالدیرماق اوچون الیمدن گلنی چالیشاجاغام دئدی لر.

 

الف: بیر نماینده نباید بیر وعده ای وئره کی خارج از توانی اولا

ب: بیر نماینده (میللت وکیلی) الیندن گلمه ین ایشه سؤز وئرمه مه لی‏دیر.

 

الف: همانطور که مشاهده ائلییسوز بعضی از نمایندگان سابق ائله وعده لر وئردی‏لر کی هئچ واخت اجرا اولمادی

ب: گؤردویونوز کیمی قاباقکی نماینده لردن ده بعضی سی یئرینه یئتیره بیلمه دییی سؤزلر وئردی

 

الف: من او کاندیدایا  رأی وئره جییم کی از همه باسوادتر و راستگوتر اولا!

ب: من ان (لاپ) ساوادلی و ان دوغرودانیشان کاندیدایا رأی وئره جه یم.

 

الف: و در خاتمه ی عرایضیم دئییم کی سیزدن خواهیش ائلییرم در انتخابات پیش رو پرشورتر از گذشته شرکت ائلییخ

ب: سون اولاراق،سیزدن اؤنوموزده کی (قاباغیمیزا گلن) سئچکی‏یه کئچمیش سئچکی لردن ده داها شووق‏لو قاتیلماغینیزی دیله ییرم.

 

کئچمیش یازی‏لاردا خالقیمیزین اؤزه للیکله مسئولاریمیزین رسمی تورکجه دانیشماق ایسته دیک‏لرینده، جالاق (دو رگه) بیر دیل اورتایا قویماق‏لاری مسئله سینه توخونموشدوق. بوگون بو مسئله نی داها دا آچیقلاییب اوزه رینده قالماق ایسته دیم!

بیلدییینیز کیمی بو مسئله نین اساس سببی آنا دیلیمیزده اؤیره تیمین (آموزشین) اولماماسی اوچوندور. دوزگون رسمی دانیشماغین یولو یازی دیلیمیزی اؤیره نمه ییمیزدن کئچیر. دئمک یازی دیلینه مسلط اولمایان شخصدن دوزگون رسمی دانیشماغی دا اومماق اولماز.

عمومییتله یازی دیلیمیزین رسمی اورقانلاردا ایشلنمه مه سی اوچون و مدرسه لرده یاساق اولماسی اوچون بو دیل حاشیه ده قالیب و اؤز ده یرینی اولدوقجا ایتیرمکده دیر.

اوستان کانالیندا یاییلان تورکجه دانیشیق‏لارا باخدیغینیزدا رسمی دیلیمیزه مسلط اولمایان‏لارین دانیشیق‏لاری چوخ گولونج بیر ایفاده لر اورتایا قویور!

خالقیمیز بو جالاق دیلده یاییلان برنامه لری گؤردوک‏لرینده نه دوشونورلر؟!

منجه بو دیلده یاییلان برنامه لر خالقیمیز آراسیندا فرقلی باخیشلار و دوشونجه لر یاراداجاق! عوام و ساوادسیز و دیل حاققیندا بیلگیسی اولمایان شخص‏لر تورکجه نین ضعیف و ده‏یرسیز بیر دیل اولدوغونو و رسمی بیر دیل اولا بیلمه گوجو اولمادیغینی هابئله دیلیمیزه حدسیز- حساب سیز دخیل کلمه لر گیردییینی گؤرورلر!

آیدین لاریمیز و دوشونجه صاحیب‏لری مسئله نین هاردان قایناقلاندیغینی درک ائده رک دولت الی ایله بو مسئله نین حل اولماسیندان اومیدلری آزالیب اؤزلرینده مسئولیت حیسی داها آرتیق گوجله نیر. میثال اوچون اوستان کانالیندا بونا بنزر جومله لری چوخ گؤرموشوک:

- در انتخابات پیش رو همه اقشار جامعه دن دعوت ائلیرم کی او کاندیداکی باسواددی و اهل دروغ و فریب ده ییر اونو انتخاب ائلییک!!

سیزجه اونو بئله دئمک اولمازمی؟

- قاباغا گلن سئچکی لرده بوتون خالقیمیزدان ساوادلی و یالان دانیشمایان و حیله اهلی اولمایان کاندیدانی سئچمه یه دعوت ائله ییرم.

یوخاریدا کی جومله لرین هر ایکسی ده ایراندا یاشایان هر آذربایجانلییا آنلاشیلیر. آنجاق ایکی جومله عینی مفهومو یئتیرسه ده ایکینجی جومله دیلیمیزین قیرامئرینه اویغونودور. بیرینجی جومله ایسه یالنیز آنا دیلیمیزده اؤیره تیمین اولماماسی نتیجه سی دیر. عمومیتله خالقیمیز بئله آخساق جومله لری چوخ گؤرور و چوخ تأسسوفله بعضی‏لر یالنیشجاسینا بو مسئله نی دیلیمیزین ضعفی سانیرلار!!

بو دوشونجه ده اولان وطنداشلاریمزا یوخاریدا چکیلن مثال آیدین و ساده جاواب‏دیر. اونلار، دیلین ضعیف اولدوغو دئییل اؤزلرینین دیلیمیز حاققیندا ضعیف و بیلگیسیز اولدوغونو بیلمه لی دیرلر!

دیلیمیزین بو دورومدان چیخاریلماسینا جان آتان دوشونجه صاحیب لری ال‏لریندن گلن‏لری اسیرگه میرلر. قانون چرچیوه سینده آنا دیلیمیزین اؤیرتیمینی ایسته ین آیدین لاریمیز اؤزلری ده ایشسیز اوتورمامیش‏لار. اؤزلری یازی دیلیمیزی اؤیره نیب اؤیره تمه یه ده چالیشیرلار. اونوتمایاق کی دیلیمیزین قورونماسی تورکجه یازماغا باغلی دیر.

یازماق صیرف علمی مقاله لر و کیتاب لار دئییل. گونده لیک ائس ائم ائس لردن، مجازی دونیادا یازیشمالاردان و مکتوب‏لاردان باشلایا بیله ریک. دیلیمیزی حفظ ائدیب ساخلاماغینا شریک اولماق ایسته سه نیز یازماغا باشلایین!




داغ کن - کلوب دات کام
نظرات() 
 
لبخندناراحتچشمک
نیشخندبغلسوال
قلبخجالتزبان
ماچتعجبعصبانی
عینکشیطانگریه
خندهقهقههخداحافظ
سبزقهرهورا
دستگلتفکر
نظرات پس از تایید نشان داده خواهند شد.




Admin Logo
themebox Logo