تبلیغات
*** ** میانا ادبیاتی *** **

8 - اثرلریزی گؤزله‌ییریک

نویسنده :حسین ساعدی
تاریخ:دوشنبه 26 مرداد 1394-12:49 ب.ظ

مییانا ادبیاتی، مییانا ادبیاتی‌نی تانیتدیرماغا بیر آددیم!

بو وئبلاگ‌دا مییانالی شاعیرلرین و یازارلارین  اثرلرینی پایلاشاجاییق.
 اوسته‌لیک نقد، مصاحبه، تورکجه دیل‌بیلگی‌سی و میانانین ادبیاتی‌یلا ایلگی‌لی خبرلر ده بو وئبلاگ‌دا یازیلاجاق.

سایین ادبیاتچی میانالی‌لار اثرلریزی اؤز آدیزلا وئبلاگا قویماق اوچون بیزه یوللایین لوطفن. اوموروق سیزین کؤمک‌لریزینن مییانا ادبیاتی‌نین تانینماسی، گلیشمه‌سی و گوجلنمه‌سینه یارارلی بیر آددیم گؤتورک.


اثرلریزی پایلاشماق ایسته‌سز ائله وئبلاگ‌دا ، یوخاری‌دا ساغ یان‌دا "بیزینن ایلیشکی" بؤلوموندن یوللایابیلرسیز  یا دا آشاغی‌داکی تلگرام آی دی سینه گؤندرین!
@hoseinsaedi
@amin_naseri1368
سایقی‌لارلا، امین ناصری، حسین ساعدی



داغ کن - کلوب دات کام
نظرات() 

135 - آنادیلی

نویسنده :حسین ساعدی
تاریخ:پنجشنبه 5 مهر 1397-12:37 ق.ظ

آنا دیلیم 

 

 

ماوی- دوغو، گون پارلادان، نوردان ساچاق آنا دیلیم !

ائلده مئشه‌لیک یارادان، یاشیل یارپاق آنا دیلیم !

یاراشیق‌سان ائل سسینده، حنجره‌نین زیل سسینده 

موغاماتین تئل سسینده، آینا داراق آنا دیلیم  

خییال‌لاری جانلاندیران، ایلهام دان غزل آلدیران 

آنلام پنجره‌سین آچان، یایلاق یایلاق آنا دیلیم  

آنام سندن لای- لا قوشدو، گونده قوشدو آی دا قوشدو 

باشلانیشی بلنمه‌ین، دیلدن قاباق آنا دیلیم!

شؤهرتیم‌سن، شوکتیم‌سن، منه اینانج اؤیره‌دیبسن 

ایگیدلیک زیروه‌لریمده، وولکان قایناق آنا دیلیم !

قول‌لاریمین گوجو سندن، یول‌لاریمین دوزو سندن 

قان داماری بیله‌ییمده ، قیزیل بایراق آنا دیلیم !

سن ، دده قورقود دیلی‌سن، چنلی بئل‌لر نیسگیلی‌سن 

اویات دلی‌لری، اویات، یاتما تاپداق آنا دیلیم !

ائل هارایی، سئل هارایی، آسلان چنلی بئل هارایی

قوچاق‌لارین دؤووشونده، داوام دایاق آنا دیلیم 

ائل هاوالان، سئل هاوالان، أرن باشی خان ساوالان !

قیرآت دورآتی هی لییگ، چیلپاق چاپاق آنا دیلیم !

شیرین آیدین سؤز بولاغی، کهلیک  باریشیق اویلاغی  

دادلی تاملی غزل لیمده، باللی- قایماق آنا دیلیم 

مدنییت، فیطرتیمی، وارلیق چکیر شرفیمی

گئچمیش‌لردن، گله‌جه‌یه، آخار پارلاق آنا دیلیم

 

احتیرام‌لار وتشککورلر ، قاسم نوربخش (غزللی)

 

-

 



نوع مطلب : قاسم نوربخش 

داغ کن - کلوب دات کام
نظرات() 

134 - قارچیچگی بوزدا...، قاسم نوربخش

نویسنده :حسین ساعدی
تاریخ:پنجشنبه 12 بهمن 1396-11:42 ق.ظ

قارچیچگی بوزدا .......

بیرینین طالئعین، زیروه‌لندیریر
بیرینین زیروه دن، باختین ائندیریر
بیری گونش تکین، گئجه نی بویار
بیری قارانلیقدا، گونش سؤندورور 
بیری قاندال یاشار، بیری دار یاشار
ایگیدلر زاوالسیز، دونیا وار یاشار 
...........
بیری گونش یئلی، چیچک ییرقالار
بیری قارا یئلدی، قیتقین چولقالار
بیرینین نئفسی، ائل زوماری‌دی
بیری کدر اوسته، کدری قالار
قارامیخ تیکانی، زهریمار یاشار
بیری آلما یاشار، بیری نار یاشار 
..........
تاریخ قوجالسا دا، زامان قوجالماز
خاطیرلرده قالان، اینسان قوجالماز
گونش قارانلیقدان، صاباحی ساچار
قارا گئجه لرده، آغ دان قوجالماز 
بیری دومان یاشار، بیری قار یاشار
بیری کامان یاشار، بیری تار یاشار 
.......‌.‌...
پاییزلا سال طیفان، من اولام یاغیش 
سن دولدور گؤزلری، من یویوم باخیش
سولدور باغچا-باغی، من شیمشک-چاخیش
ایلیک یاز تؤره‌دیم، یاشیل یاشاییش
بیری دوستاق، چه‌پر، دؤرت دووار یاشار
قار چیچه‌یی بوزدا، آل باهار یاشار 

قاسم نوربخش


نوع مطلب : قاسم نوربخش 

داغ کن - کلوب دات کام
نظرات() 

133 - قاراچی‌لار گۆنه‌شین جمده‌ینی آپاردیلار ، بهزاد شیخ الاسلامی

نویسنده :امین ناصری
تاریخ:شنبه 30 دی 1396-05:38 ب.ظ

قاراچی‌لار گۆنه‌شین جمده‌ینی آپاردیلار 
دوغمالاشمیش بیر پنجره ایییمسر آچیسیندا 
باییلدی
شاعیرین دوغمامیش کؤرپه‌سی 
سیقارئتین توستوسونده ترک ائتدی کؤکسونو 
چؤکدو گؤزلم دامجی ـ دامجی 
کؤکله‌دیلر بوتالاری یالان یئره 
کؤک سالمادیق 
                   هئچ بیر دنیزه 
آدلاندیق…  
آدالانمادیق 
آدیمی ایسته‌سه‌نیز 
قارغالاردان سوْرون 
قلبیمین آیدین یئرینی آپاردیلار یووالارینا 

بهزاد شیخ الاسلامی

١٥ دی ١٣٩٦



داغ کن - کلوب دات کام
نظرات() 

132 - دؤرد ایل‌دن بیر بئش ایل‌دن بیر، ارشد نظری

نویسنده :حسین ساعدی
تاریخ:یکشنبه 3 دی 1396-01:14 ب.ظ


دیل دانیشیر، گؤز دانیشیر 
قاراداش‌ دا سؤز دانیشیر
یالانچی‌ دا دوز دانیشیر
دؤرد ایل‌دن بیر بئش ایل‌دن بیر
یوْل‌لار آیاغا ایلیشیر
آدام‌لار کال کال یئتیشیر
ایلان‌لار قابیق ده‌ییشیر
دؤرد ایل‌دن بیر بئش ایل‌دن بیر
باشماغی باشا گئییرلر
بولبوله سئرچه دئییرلر
ناهارا قانون یئییرلر
دؤرد ایل‌دن بیر بئش ایل‌دن بیر
یای ایچینده قیش اولارمیش
قانادسیز دا قوش اولارمیش
قیزیل‌ دا گوموش اولارمیش
دؤرد ایلدن بیر بئش ایلدن بیر
دره‌لر داغدان باج آلیر
آلچاق‌لار بیردن اوجالیر
اوشاق به‌لک‌ده قوجالیر 
دؤرد ایل‌دن بیر بئش ایل‌دن بیر

ارشد نظری


نوع مطلب : ارشد نظری 

داغ کن - کلوب دات کام
نظرات() 

131 - نه قدر کئفی واریمیش جریمه تؤکمه‌یین!! - بهزاد زالی

نویسنده :حسین ساعدی
تاریخ:شنبه 2 دی 1396-06:17 ب.ظ

نه قدر کئفی واریمیش جریمه تؤکمه‌یین!!

دونن گئجه آذرین 30-و (چیلله گئجه‌سی ایله موصادیف) گئری قالمیش ماشین جریمه‌لرینین ایکی‌قات اولماسینین باغیشلانماسینا سون فورصت ایدی.
من ده بیر چوخ وطنداش‌لاریمیز کیمی هر ایشی 90-جی دیقه‌یه ساخلاماقدا کم گتیرمه‌رم! اونا گؤره ده 5شنبه صبح یوخودان قالخیب گئدیب ماشینین خلافیسینی آلیب تؤکه‌رم دئیه دوشونوردوم. سحرچاغی پولیس +10-ا گئتدیییمده «هله‌لیک خط‌لر کسیلیب گئدین ساهات 12ده گلین» دئدی‌لر.
نه‌ایسه ساهات 12ده ده خلافی آلماق امکانی اولمادی. ماشین کارتینین شوماره‌سینی آلیب بیر کاغاذدا یازاراق دئدی‌لر گئدین ساهات 4-ه دک حل اولار خلافی‌نیزی چیخاراریق ان‌شاءالله. 
خبرلرده پولیس رئیسی‌نین پولیس+10 دفترلری گئجه ساهات 10-ا دک ایشله‌یه‌جک‌ دئدییینی گؤردوم. (آنجاق مییانادا کی 4دن اویانا قالمامیشدی‌لار)
آغا! نه باشینیزی آغریدیم؛ خلافی آلابیلمه‌دیک کی آلابیلمه‌دیک!
گلدیم دوشدوم تئلئگرام‌دا بیر روباتین جانینا، روبات دا دئدی قارداش خط‌لر شولوخدور سامانه‌یه وصل اولابیلمیریک! حتی سونوندا «جریمه‌لرین ائندیریمی اوچون خلافی آلماق ایسته‌ییردینیزسه تئز اقدام ائتمه‌لی‌ایدینیز» دئدی. (احتمالا منظورو گئج آییخمیشسان ایدی!!)
ائس‌ائم‌ائس سامانه‌سی ده جاواب وئرمه‌دی!
موبایلیمداکی بیر أپلیکئیشئنله ده اوغراشیردیم... ساهات 10-ا بیر شئی قالمیردی. آخیر خلافی‌لریمی آلابیلدیم! ائله همن آن اصیل جریمه‌لریمی (یانی ایکی قات اولمامیشینی) همن أپلیکئیشین ایله تؤکدوم.
ائله کئف ائله‌ییردیم کی، جریمه تؤکدویومه...!!
__________
بهزاد زالی




داغ کن - کلوب دات کام
نظرات() 

130 - من اسیر ائللرین آه! شاعری‌یم، حبیب ساهیر

نویسنده :حسین ساعدی
تاریخ:سه شنبه 21 آذر 1396-05:41 ب.ظ

بی‌نهایت بو گؤیون آلتیندا
بیزه بیر قبّه‌ی فیروزه ده یوخ!

یانار افلاک‌ده مین‌لرجه چیراق،
بیزه بیر شمع، بیر آویزه ده یوخ! 

بو قدر اولدوز آراسیندا بیزه
یئددی گؤی‌لرده بیر اولدوز یوخ‌اوموش!

بؤلدولر قوش‌لاری عالم‌ده مگر،
بیزه ده چاتدی او آغلار بایقوش؟!

قووالارکن منی هر گون محنت
قاپیمی دؤیمه‌ده‌دیر هر گئجه غم

هامی آزاده ائلین شاعری وار
من اسیر ائللرین آه! شاعری‌یم

حبیب ساهیر


نوع مطلب : حبیب ساهیر 
دنبالک ها: ائلیمیزین اورک سیزیسی حبیب ساهیردن بیر شعر! 

داغ کن - کلوب دات کام
نظرات() 

129 - برنامه اندروید آموزش ترکی آذربایجانی

نویسنده :حسین ساعدی
تاریخ:سه شنبه 21 آذر 1396-01:28 ب.ظ

برنامه ای واقعا متفاوت برای آموزش زبان ترکی آذربایجانی (ترکی معیار)

این برنامه از الفبا آموزش را شروع می کند و  به ترتیب و قدم به قدم دستور زبان ترکی را با مثال های روزمره و پرکاربرد آموزش می دهد.

هر درس شامل چهار بخش است

1. کلمات: در این بخش تمامی کلمات و افعال استفاده شده در درس به همراه معنی و امکان جستجوی کلمات وجود دارد.

2. تلفظ: در این بخش کلمات و جملات ترکی استفاده شده در درس به همراه تلفظ (فایل صوتی) قرار دارد. 

3. گرامر: در این بخش دستور زبان ترکی به صورت قدم به قدم همراه با مثال‌های مختلف و روان قرار دارد. گرامر از الفبای ترکی شروع می‌شود و مطالب به ترتیب آموزش داده می‌شوند.

4. این قسمت شامل تست از معانی کلمات، گرامر و جملات موجود در بخش‌های دیگر برای تثبیت مطالب است. هر درس به طور میانگین 15 تست دارد.


در بازار موجود است، برید به لینک زیر



نوع مطلب : دیل‌بیلگی  خبرلر 

داغ کن - کلوب دات کام
نظرات() 

128 - سنی بو یول‌لارا نئجه تاپشیریم؟، دومان بختیاری

نویسنده :حسین ساعدی
تاریخ:سه شنبه 21 آذر 1396-01:07 ب.ظ

سنی بو یول‌لارا نئجه تاپشیریم؟!
یول‌لارین اوره‌یی داش اولور هردن
بوراخیر باشیما آیاق‌لاریمی
اودور کو اته‌ییم یاش اولور هردن

سنی بو یول‌لارا نئجه تاپشیریم!
بو یول‌لار یارامی ساغاتمایاجاق
 قانادی قیریلان آغ گؤیرچینی
قیشین یوخوسوندان اویاتمایاجاق

سنی بو یول‌لارا تاپشیرابیلمم 
بو توزلو یول‌لاری آغلایان اولماز
شعریمین دومانلی پنجره‌سینی
یاغیشین آلتیندا باغلایان اولماز

قورخورام گئجه‌نین ناغیل‌لاریندا
بو یول‌لار سنی ده گؤتوروب قاچا
بیر قاری بیر دئوه آداقلی گئده
اوستومه بیر پرده قارانلیق آچا

بو یول‌لار قیش اولوب بو یول‌لار پاییز
بو یول‌لار یارالی بو یول‌لار قابار 
اومود ال‌لریمی اونوتما نازیم
گئدنده اونلاری اؤزونله آپار


"دومان بختیاری"


نوع مطلب : دومان بختیاری 

داغ کن - کلوب دات کام
نظرات() 

127 - قیرمیزی کپنکلر کیتابی چاپ اولدو

نویسنده :حسین ساعدی
تاریخ:جمعه 17 شهریور 1396-12:25 ب.ظ

قیرمیزی کپنکلر آدیندا شعر کیتابی چاپ اولدو، جانای خانیما تبریک دئییریک 

شعر توپلوسو

شاعیر: رضوان حاجی قاسملو “جانای ”
بیرینجی چاپ ۱۳۹۶/ اختر یایین ائوی
ده‌یر: ۵۰۰۰ تومن
بو کتابی تبریزده اختر یتاب ساتیش ائویندن و میانادا فاتحی کیتاب ساتیش ائویندن آلابیلرسیز.




داغ کن - کلوب دات کام
نظرات() 

126 - گؤزلریندن اویانیرام، دومان بختیاری

نویسنده :حسین ساعدی
تاریخ:چهارشنبه 10 خرداد 1396-11:49 ق.ظ

سحر
گؤزلریندن اویانیرام
دؤرد دووار دیر گؤزلرینین چرچووه‌سی
گونشی یوخو گؤرورم
گئجه‌نی دسته چیچک مزار داشیما ...
شاعیرلره شعر یازیرام
شعرلریم بولودون گؤزلریندن آسیلیر
دؤرد دووار ایچینده
دؤرد بوجاق دونیامدا
قارا گونلریمی سئویرم !!!
قارا گؤزلریندن سویونوب 
قاراباغ‌دا شهید اولورام هر دن
ارک‌ده سؤکولورم 
کریمه‌ده قانداللانیرام ایسارت کؤرپولرینده
گوله - گوله چئگوارا اولورام 
چمران چمران 
چیریک ،
 دؤرد دووار آراسیندا!!
یازیق من ،
گؤز یاشییلا گونئی  اولورام 
گؤز یاشییلا  قوزئی 
سحر
گؤزلریندن اویانیرام
همن دؤرد دوواردیر گؤزلرینین چرچووه‌سی
سانجاقلانمیش سانجاق درگیسینه
تهران بیلیم یوردوندا کادرا چکیلیرم
قویلانیرام یولداشلاریمین اللری ایله -
قیزیل اوزن ده 
اورمو گؤلونده دوزلانیر شعریمین بیرینجی اؤدولو !!!
سن اوزاق داسان 
چوووووخ اوزاقدا دنیز کیمی 
گؤزلرین کیمی
آغیر لحظه‌لری داشیییرام دومانلیغیمدا
یوم گؤزلرینی 
شاعیرلیگیم بیتسین دئییه 

«دومان بختیاری»



نوع مطلب : دومان بختیاری 

داغ کن - کلوب دات کام
نظرات() 

125 - یوک، بیر اؤیکوجوک، ارشد نظری دن

نویسنده :حسین ساعدی
تاریخ:سه شنبه 2 خرداد 1396-05:10 ب.ظ

ایکیسی یول گئده - گئده سؤزلری چیخدی . یئتیشدیلر  بیر چایین قیراغینا .
بیری چیرمانیب چایدان راحاتجاسینا  کئچدی . او بیری کئچه بیلمه‌دی . چایی کئچن اونون یانینا قاییدیب دئدی ؛ هله مین کوره‌ییمه چایی کئچک ....
آیاغی گلر گلمز شوبهه‌لی حالدا قبول ائتدی . چایین او تایین‌دا یول‌لاری آیریلمالییدی ، ساغ اوللاشیب آیریلدیلار.
ایل‌لر کئچدی یئنه بیر یئرده بیر بیرینه راس گلدیلر . اونون چوخ مهربان داورانماسینا شوبهه‌له‌نیب دئدی:
به بیز کوسولو دئییلیک ؟ 
 گوله-گوله؛ هله ده او آغیر یوکو اؤزون‌له داشییرسان !؟ 
من سنی دالیما آلاندا، او یوکو چایا بوراخدیم یوخسا سنی چای‌دان کئچیره بیلمزدیم . 

ارشد نظری




داغ کن - کلوب دات کام
نظرات() 

124 - تالانمیش خزل، رضوان حاجی قاسملو

نویسنده :حسین ساعدی
تاریخ:دوشنبه 1 خرداد 1396-01:40 ب.ظ

گئتدین آخشام چاغی سئودامی یئله تاپشیردین
ساچلاریمدا سارالان دردی سئله تاپشیردین

پاییزین چرچووه‌سیندن یولا بارماق قویدون
منی حئیوا قوخولو بیر غزله تاپشیردین

بو دیدرگین دوداغیمدا داریخان آل رنگی
یاغیش آلتیندا تالانمیش خزله تاپشیردین

قوپوزوندان گیلئییم وارسا بونا حاققیم وار
کؤوره‌لن کؤنلومو یورقونجا تئله تاپشیردین

وطنیمدن آییریب اللریمی اوزدونده
قارا قوربتده منی الدن اله تاپشیردین 

سنی قارقیشلامیرام بیر کره بوردان یول سال
جانایین آرزیلارین گوزده گوله تاپشیردین 

"جانای"



داغ کن - کلوب دات کام
نظرات() 

123 - گئدرکن گؤرمه‌دین، مرضیه نعمتی

نویسنده :حسین ساعدی
تاریخ:دوشنبه 1 خرداد 1396-01:32 ب.ظ

گئدرکن گؤرمه‌دین آیاق آلتیندا جالانمیش اوره‌یی


یوخسا اونوتموش اودون سنی سئودیییمی

ائله چیرپدین قاپینی

داها ییغانمادیم کوچه‌لردن 

یئتیم قالمیش گؤزلریمی

شاعیر: مرضیه نعمتی



نوع مطلب : مرضیه نعمتی 

داغ کن - کلوب دات کام
نظرات() 

122 - بو یول ایسارت‌لری، مینا صلواتی زاده

نویسنده :حسین ساعدی
تاریخ:شنبه 30 اردیبهشت 1396-11:31 ق.ظ

بو یول ایسارت‌لری 

سنی تانیتیم وئردی منه 

بو قریبه چیراق‌لار قوجاغیندا

پنجره‌یه تیکیلن گؤز یاش‌لاریم 

ویژیللایان آربالارا بنزه‌ییر

یادیرغاماق‌دادیر

بئینیمده هرنه‌یی

اوزاقلاشدیریر سنی مندن  

هر دنده چکدیکجه 

اوره‌یم اوزولور 

سندن 

بو شهردن 

دویغولو گزیب ایز سالدیغیمیز

یئنی آسفات‌لاردا 

هئی 

بلکه ...

بیر الجه‌یه یویولدوق ایکیمیز ده

مینا صلواتی زاده


نوع مطلب : مینا صلواتی زاده 

داغ کن - کلوب دات کام
نظرات() 

121 - سوکوت سسی، فرهاد کدخدایی

نویسنده :حسین ساعدی
تاریخ:شنبه 30 اردیبهشت 1396-11:27 ق.ظ

« سوکوت سسی » 


بیر گوزگو سوکوتام هاراییم اوجا 
سؤزوم وار دولویام بیرجه قولاق یوخ 
اوزوم قیریشسیزدیر ایچیم قات با قات 
اینجی‌لر یاتاغی هر بیری بیر اوخ

دوشومده آنالار لایلاسی یاتیب 
ایگیدلر نیسگیلی آللاها چاتیب 
اوغول وار آناسین بیر "پوک "ا ساتیب 
اوغول وار عؤمرونده قانماییب آز چوخ 

گؤردویوم دئییلمز سسیمیز داردا 
دار واردیر فرمانی لاپ یاخین یاردا 
ساقین، ساتقین بیلمز شرف ده آر دا
دونیانی ساتسا دا قارنی دئییل توخ 

بیری بیر دویمه ‏ده تانری قازانیر 
بیری ده آجیندان بوینو اوزانیر 
بیری ده وار سسی داردا قووزانیر 
ای شاعیر یولداشیم سوسما هارای دوغ 

گل سپک، یارا دا دوز دا اینجیسین 
بیر گؤزل قوشمادا سؤزده اینجیسین 
اورک ده باغیرسین اوز ده اینجیسین 
یا سوکوتا دالما یا سوکوتو بوغ 

سینمده داغ وارسا اؤزوم تورپاغام 
یوردومون ساچیندا دن دوشن آغام
 بیر گوزگو سوکوتام آجی دوستاغام
 آجیسان سؤزومدن سیندیر یئره سوخ!

فرهاد کدخدائی 



نوع مطلب : فرهاد کدخدایی 

داغ کن - کلوب دات کام
نظرات() 

120 - اونوتمامیشدیم کلمه‌لری، امین ناصری

نویسنده :حسین ساعدی
تاریخ:پنجشنبه 21 اردیبهشت 1396-10:58 ق.ظ

اونوتمامیشدیم کلمه‌لری

ساده‌جه سسیم اونودولوردو شعرلرده...

کار دئییلدی هئچ بیر شعر

من لال‌ایدیم من...

ایچیمده قیشقیریردیم سسسیزلیگیمی...

پانتومیم اویناییردیم دفتریمده!

یازیلمادی شعر سایاغی کئچن گون‌لریم یازیلمادیم....!

اوخونمادی!
اوخونمادیم....!

"امین ناصری"


نوع مطلب : امین ناصری 

داغ کن - کلوب دات کام
نظرات() 

119 - اوچماغیم گرک، نوید آقایی

نویسنده :حسین ساعدی
تاریخ:پنجشنبه 31 فروردین 1396-11:29 ب.ظ

اوچوروم‌دا دورموشام

اؤلوم‌دن دولو 

دیلقمی چالیرام 

دردله سسله‌ییرم

 »اونودابیلمیرم سنی 

بو نیسگیل یوخودا 

اوچماق اولسا دیله‌گین 

ساخلایانمام سنی «

ایسلادیر یاغیش گؤزلریمی ،

 اوزومو

یویور ، آخدیریر 

کؤنلومو سینه‌م‌دن 

بیلمیرم داها ...

اوچوروم سسله‌ییر ؛

سازیمی ...

اؤزومو ...

اوچماغیم گرک !



شاعیر: نوید آقایی

 



نوع مطلب : نوید آقایی 

داغ کن - کلوب دات کام
نظرات() 

118 - لاله‌لر یوسف جوادی‌دن

نویسنده :امین ناصری
تاریخ:چهارشنبه 4 اسفند 1395-12:01 ق.ظ

لاله لر
یایلیغی چیینینده اسن لاله‌لر
کدر کؤلگه‌سیندن کوسن لاله‌لر
گونشی باغرینا باسان لاله‌لر
ایسته‌ییر قیزارا ده‌یمه‌ سن آللاه
گوناهسیز گول‌لرین ساراسی لاله
اوزونه یاخیلیب قاراسی لاله
لاپ او اوره‌گینین آراسی لاله
قوی‌گینان کؤزه‌ره ده‌یمه سن آللاه
وطن تورپاغیندا بیتن لاله‌لر
یئرین قوجاغیندا یاتان لاله‌لر
هره‌سی بیر قاندی باتان لاله‌لر
نیشان‌سیز مزارا ده‌یمه سن آللاه


یوسف جوادی


نوع مطلب : یوسف جوادی 

داغ کن - کلوب دات کام
نظرات() 

117 - دؤزوم دوواری

نویسنده :حسین ساعدی
تاریخ:شنبه 13 آذر 1395-01:48 ق.ظ

بیر سیقارا
درین بیر یارا
گئجه‌نین قیرلی یوخوسو
باریت قوخوسو سپیلیر ساعات‌لارا
دؤزوم کولتورورونو اودا چکیرم؛
بیر سیقارا
یارالار دولور جییارا
یئره آتیلیر کیبریت چؤپ‌لری
باش‌لاری قارا
چئینه توپور اولموش فلسفه‌لر تک
یاپیشمایاجاق‌دیر قارا باشماغا!
یینه بیر سیقارا
یینه ده بیر چؤپ
یینه ده دلیجه پوکلایاجاغام
دوواردان آسلانمیش قیر-ساققیزلارا


شاعیر: فرهاد کدخدایی



نوع مطلب : فرهاد کدخدایی 

داغ کن - کلوب دات کام
نظرات() 

116 - خزللندی منده باهار - یوسف جوادی

نویسنده :حسین ساعدی
تاریخ:شنبه 2 مرداد 1395-11:30 ب.ظ

خزل‌له نیر یاشیللیغیم یازیم باشلانا باشلانا

گرایلیم‌دان دومان کئچیر گؤزوم یاشلانا یاشلانا

هؤرومجه‌یین آغری‌لاری داها منه توخونماسین

اوره‌ییمده بیر کپنک اوچور قوشلانا قوشلانا

کؤرپه‌لیگین اویونجاغی هلم‌ ده اوینادیر منی

همه‌شه منده بیر دلی قاچیر داشلانا داشلانا

یاستیغیمدا قانلی للک سوورولورام کولک کولک

آغری‌لاری گؤزلریمی آچیر هوشلانا هوشلانا

بنؤوشه‌نین دردی مئشه ساچینا دن دوشه دوشه

دوداغیندا موشدولوغو دونور قیشلانا قیشلانا

یوسف جوادی


نوع مطلب : یوسف جوادی 

داغ کن - کلوب دات کام
نظرات() 


  • تعداد صفحات :7
  • 1  
  • 2  
  • 3  
  • 4  
  • 5  
  • 6  
  • 7  


Admin Logo
themebox Logo